MATTHEW 10:7 - Kathara Bible (BSI)

⁷ Kala nathumna khavāvāli pao hāshokta ‘Kazing wungram chi nganaihaira’ da hānglu.

MATTHEW 10:7 Iomraidhean Croise

ISAIAH 61:1

Proho VAREwui Manglā chi iwuitungli lei, khikhalajila Prohona ili thao neomihaira; kaja kakhanang kachotbingli paokaphā khuirāmi khavai, ana ili chihokharāna kaja kaphaning kakaibingli ngahāmi khavai, narkahaibingli ningkhān vaomalānmi khavai, kala khalap kahaibingli phātop shomi khavai,

MATTHEW 10:8

Kakazābingli raimilu, kathebingli ringngasaklu, phārrei kakazābingli tharmilu, kameobing kashamshokmilu. Nathumna aman mamila samkaphangna, chithada aman makhuila milu.

MATTHEW 11:1

Jishuna awui sākhangatha̱ tharāda khanili hāngchitheihailaga, ana athumwui keinungbingli tamchithei khavai kala pao hāshok khavai apam chiwui eina zatthuwa.

MATTHEW 21:31

Khani hiwui ngachaili kachipāna avāva̱wui ningkachāng sākhala?” “Khararrapana sai” da athumna ngahānkai. Chieina Jishuna athumli hānga, “Ina nathumli kachangkhat kahāngna, khāshinā khalokabing eina khayorva̱ sha̱naobing china nathumli rida Varewui Wungramli zangra.

MATTHEW 21:43

Chiwui vang eina ina nathumli kahāngna, Varewui wungram chi nathumwui eina khuithuihailaga athei mathei khangasaka yur akhali mihaora.”

MATTHEW 23:13

“Ain kathemabing eina Phariseebing, phākakhaningabing! Nathumli kakhanang ringkashi ngasāranu, khikhalajila nathumna kazing wungramli zangki kajibingli shungnamda lei, kala nathum khalattala mazang lah zangki kajebingla mazang ngasakmana.

MATTHEW 3:2

“Ningngateilu, kaja kazing wungram nganaishunhaira.”

MATTHEW 4:17

Atam chiwui eina thuida Jishuna pao hāshokphokta hānga, “Ningngateilu, kaja kazing wungram nganaishunhaira.”

MARK 6:12

Chieina athumna vāda ningngatei khavai pao hāshoka.

LUKE 16:16

“Ain kala marānbingwui tui chi Ra̱hikme Johnwui thot eina tangda leisai, chiwui thili Vare wungramwui paokaphā hi hāshokphoka; kala mi kachiva̱na chili nganurzanga.

LUKE 9:2

Ana athumli Vare wungramwui pao hāshok khavai kala kazāt raimi khavai shivāta.

LUKE 9:6

Chieina athumna zatuwa kala khavāvā kha̱ kachiva̱li paokaphāla hāshoka kala kakazāla raimi.

LUKE 9:60

Kha ana ali hānga, “Kathina athum khalattawui kathili chifaranu; kha nawui vanga, vāda Vare wungram chi vaomalānlu.”

JOHN 3:2

Thangngayākha ana Jishuli rahānga. “Ojā, nava Varena chihokharā ojā akhana da ithumna thei. Sakahai machutbing hi Varena ngasokhami maningla khipānakha masārarmana.”

OTSAK 10:25

Peterna shimlungli kazang eina Corneliusna ali samngarokkhuida awui pheizingli khayākashi eina ngakhumshamzanga.

OTSAK 28:31

Vare wungramwui pao hāshoka kala Proho Jishu Khristawui pongli sheikakhaut maleila phongshar eina tamchithei.

OTSAK 4:2

Anina Jishu kathiwui eina ringkhaluiwi tui tamkachithei chiwui vang athumna malungvāthaowa.