MATTHEW 10:4 - Kathara Bible (BSI)

⁴ yurli leikashe Simon kala Jishuli yankasaia Judas Iscariot.

MATTHEW 10:4 Iomraidhean Croise

MATTHEW 26:14

Chiwui thili tharāda khaniwui ngachaili Judas Iscariot kaho china pāngmon akhokabingwuili vada

MATTHEW 26:15

hānga, “Ina ali nathumwui pāngli miakha, nathumna ili khi mirakhala?” Athumna lupā thumrā shānshoklaga ali mihaowa.

MATTHEW 26:2

“Khanithangwui thili Makānkhami Phanit sāra kaji nathumna thei, kala miwui Naomayarali krushtungli shaothat khavai horsanghaora.”

MATTHEW 26:47

Jishuna matuimahungda leilakha tharāda khaniwuili zangkasā Judasli ngasoda mi kachungkha thinghun kala raighai singlaga athumwui pāngmon akhokabing eina hangva̱naobingwui eina rai.

MATTHEW 27:3

Jishuli shaothat khavai yonchiphunhaira kaji pao yankakasaia Judasna kashā tharan, ningngateida pāngmon akhokabing eina ararbingli lupā thumrā chi khuivāmiluida,

MARK 14:10

Chiwui thili tharāda khaniwui ngachaili Judas Iscariotna Jishuli yansai khavai pāngmon akhokabingli vai.

MARK 14:43

Ana matui mahungda leilakha hengsāda tharāda khaniwuili zangkasa Judas kaho china pāngmon akhokabing, ain kathemabing kala ararbingna kachiho mi kachungkhali ngasoda raighai, thinghun singlaga rai.

LUKE 22:3

Satanna tharāda khaniwui ngachaili Iscariotla kaho Judaswuili rāzanghaowa.

LUKE 22:47

Jishuna matui mahungda leilakha tharāda khaniwui ngachaili Judas kaho china mi kachungkhali thanrārāsai. Ana Jishuli maya̱kida awui shong rai.

JOHN 13:2

Kala ngazin phazātwui atamli, Jishuli yorza khavai Simon Iscariotwui naomayara Judaswui wuklungli chipee zangkahai tharan,

JOHN 6:64

Kha nathum kaikhana mashitsangmana.” Kaja haokaphokwui eina athum mashitsangmana kala khipāna ali hatrakhala kaji Jishuna thei.

JOHN 6:71

Hi ana Simon Iscariotwui naomayara Judas, tharāda khaniwui ngachaili ali hatki kajipawui pongli kahāngna.

OTSAK 1:13

Athumna keinung chili kazang eina Peter, John, James, Andrew, Philip, Thomas, Bartholomew, Matthew, Alphaeuswui naomayara James kala Zealot kaho Simon kala Jameswui naomayara Judaslong pamkasa mathāng atowui kā chili kai.

OTSAK 1:25

Judaswui mahut sāda paokazata sākhavai khani hiwui ngachaili nana kapangkakhui chi chitheimilu.”