MATTHEW 10:26 - Kathara Bible (BSI)

²⁶ “Chiwui vang eina athumli mangacheealu; kaja maphongshokmara da faror kahai khikha maleimana, lah matheiki kaji ngathum kahai khikha maleimana.

MATTHEW 10:26 Iomraidhean Croise

CHĀNSAM 10:9

Ningsāngazipta kazata china tāphup eina zatra, otsak makhamashunga chi phongshokhaora.

CHĀNSAM 28:1

Khipānakha makharomlala makhayā mina yāmzata, kha khangarongbingva kazingkha̱ thāda malung pinga.

CHĀNSAM 29:25

Miwui khangacheena khalen sanga, kha Proholi khangachee mi khikha mathāmana.

HĀSHOKME 12:14

Kaja kaphāla kashila, ngathum kahai saikora bichar sāthang Varena khuishokserra.

ISAIAH 41:10

mangacheealu, ina ngasomida lei, kaphaning masuitālu, kaja I nawui Varena; ina nali yāng ngarumsangmira, ina nali ngachonmira, ina nali iwui khayuia yāpang eina kanmira.

ISAIAH 41:14

Mangacheealu, kalomnao Jacob; Israelwui mibing nathum! Ina nathumli ngachonmira, da Prohona hānga; nathumwui Ngatangkhame chi Israelwui Kathara china.

JEREMIAH 1:8

Athumli mangacheealu, kaja nali kanmi khavai ina nali ngasomida lei da Prohona hānga.”

EZEKIEL 2:6

“Kala miwui naomayara na, athumli mangacheealu, chili lāngda athumwui tuili mangacheealu; nana ka̱shāt-ka̱renglungli zatlala kala nana seithattungli pamlala; athumwui tuili mangacheealu, kala athumwui azak yanglaga mangacheealu, kaja athum hiya ngakaikashi shimkhurna.

MATTHEW 10:28

Phasāli sāthatshaplaga manglāli masāthatkharar athumli mangacheealu. Kha kazeiramli phasā eina manglā khanini sāshimānmikashapa Vareli ngacheelu.

MARK 4:22

Phongsharki kaji maningla thumkahai khikha maleimana, lah kahorli makhuishokmara da ngathum kahaila khikha maleimana.

LUKE 24:47

Kala awui ming singda nathumna Jerusalem eina thuida miyur saikorali ningngateida morei pheokhavai pao hāshokra.

LUKE 8:17

“Kaja maphongshokla thumhaoki kaji khikha maleimana, lah matheiki kaji kala kahorli makhuishokla kafakhamhaoki kaji khikha maleimana.

OTSAK 1:8

Kha Manglā Kathara chi nathumwuitungli tāshungkhami tharan, nathumna pangshap samphanglākra. Cheina nathumna Jerusalemlila, Judea ngalei katongalila, Samarialila kala okathuiwui akatanga vāshungda iwui vang shākhi sāra.”

OTSAK 4:13

Hangva̱naobingna Peter eina Johnwui kaping chi theilaga kala ani lairik makatama mina kaji phaningvālaga matakhakhaowa. Chieina ani Jishuli ngasosai kaji athumna theikhui.

OTSAK 4:19

Kha Peter eina Johnna athumli ngahānkai, “Varewui miktāli awui tui khanganāli nathumwui tui khanganāna mashungmeila, nathum khalatta machukyanglu.

1 CORINTHNAO 4:5

Chiwui vang eina retkahai atam chi marāranglakha eina tangda khipālikha bichar masālu, Proho marāranglakha eina tangda ngaraisālu. Chithanghon tangkhamangli thumtit kahaibing kala mibingwui ningli kharin leilaga ngathum kahai saikora phongshokra. Chiwui thili mi kachiva̱ Verewui eina ana masot samphang khangayi chi samphangra.

1 PETER 3:14

Khamashung khangarongwui vang nathumna kachotkachāng samphangsālala, nathumli somira, khipālikha mangacheealu kala wukla makhanangalu.