MATTHEW 10:24 - Kathara Bible (BSI)

²⁴ “Sākhangatha̱ khipākhana awui ojāli mareimeimana lah arao khipākhana awui akhavāli mareimeimana.

MATTHEW 10:24 Iomraidhean Croise

2 SAMUEL 11:11

Uriahna Davidli ngahānkai, “Ningkhami oko kala Israel eina Judahna rāmli pamsera; kala ishāmei Joabla, raobingla khamasaili rairum sāda lei; chithākha ina kathāda phāshak phazāda preiva̱li ngasopirakhala? Nana thei kala namanglāna theira, ina hikathā ot masālakmara.”

MATTHEW 10:25

Sākhangatha̱ china awui ojāwui thada kala araona awui akhavāwui thada ningli kapen chi shapa. Athumna shimva̱ chili Beelzebul hoakha shimkhurwui mi kateibingli kayākha zakshimeikharda horakhala?

LUKE 6:40

Katamnaona Ojāli mareimeimana, kha kāshunglak eina tamchithei kahaiwui thili mi kachiva̱ awui ojā eina ngaraichāpapamhaora.

JOHN 13:16

Kachangkhat eina ina nathumli kahāngna, raona akhavāli mahakmeimana, paophungmena kashivātali mahakmeimana.

JOHN 15:20

Ina hāngkahai chi phaningunglu, ‘Raona akhavāli mahakmeimana.’ Athumna ili rekharekakha nathumlila rekharekphalungra; iwui tui khuisangakha nathumwuila khuisangphalungra.