MATTHEW 10:23 - Kathara Bible (BSI)

²³ Athumna nathumli keinung akhali rekakharek chitharan khangatei akhali yāmvālu; kaja Ina nathumli kachangkhat eina kahāngna, miwui Naomayarana marāranglakha eina tangda nathumna Israel keinung saikorali sākikaji ot masākuprangsāra.

MATTHEW 10:23 Iomraidhean Croise

JEREMIAH 26:21

Chieina awunga Jehoiakimna, kala awui raimibing eina wungnao saikorana shālaga awungana shaothat khavai phai. Kha Uriahna kashā chitharan ngacheehaoda Egyptli yāmvāhaowa.

MATTHEW 16:27

Khikhalajila miwui Naomayarana awui kazingraobingli ngasoda Avāwui tekhamatei eina rāki kajina, kala chiwui thili mi kachiva̱li kachichāna sākahai chiwui athishurda ana runmira.

MATTHEW 16:28

Ina nathumli kachangkhat kahāngna, miwui Naomayarana awui wungramli kharā matheiranglakha kathi mamazapki kaji mi kaikha hili nganingda lei.”

MATTHEW 2:13

Athum zatkahaiwui thili yanglu, Prohowui kazingrao akhana mangshong Josephli ramahāda hānga, “Ngakarthuilu, angāngnao eina ava̱li khuiphungda Egyptli yāmvaulu, kala ina pao mashirātranglakha eina tangda chili pamsālu; kaja Herodna angangnao chili sāthat khavai phāki jiura.”

MATTHEW 23:34

Chiwui vang eina ina marānbing, thangkhameibing kala ain kathembing nathumwuili chihorai, nathumna kaikhali sāthatra, kaikhali krushtungli khāngkāra kala kaikhali synagogueli lijei eina ngaphitra kala athumli nathumna keinung akhawui eina keinung akhali rekharekra,

MATTHEW 23:36

Kachangkhat ina nathumli kahāng hina, saikora hi thot hiwuitungli tāra.

MATTHEW 24:27

Kaja rikhāna zingshoshong eina shoklaga zingtun ngasheikhavā thada, miwui Naomayarana kharāla chi tākamra.

MATTHEW 24:30

chiwui thili kazingramli miwui Naomayarawui machut chi theira; kala okathuili khalei miyur saikorana chapra, kala miwui Naomayarana pangshap kala tekmateilak eina muiyātungli tongda kharā theira;

MATTHEW 24:34

Kachangkhat ina nathumli kahāngna, ot saikora hi mashokranglakha thot hi makānthuimara.

MATTHEW 24:48

Kha makaphā rao china a khalatta ‘Iwui akhavā marāfamara’ da phaningda,

MATTHEW 25:13

“Chiwui vang eina rimpamlu, khikhalajila nathumna zimiksho kala pung chi matheimana.

MATTHEW 26:64

Jishuna ali ngahānkai, “Chi nana hānghaira. Kha kachangkhat eina ina nathum saikorali kahāngna, aruiwui eina thuilaga miwui Naomayarana Sāshapawui yāshong kapam kala muiyātungli tongda kharā nathumna theira!”

MATTHEW 4:12

Chiwui thili Johnli tukthuihaira kaji Jishuna kashā eina Galileevāk vāhaowa.

MARK 13:26

Chiwui thili miwui Naomayarana hakkhamahā pangshap kala tekhamatei eina ngasoda muiyālungli kharā nathumna theira.

LUKE 18:8

Ina nathumli kahāngna, ana thaklāk eina mashun bichar sāmira. Chithāmāngmada miwui Naomayarana rāthanghon shitkasanga mi okathui hili leisaralā?”

LUKE 21:27

Chiwui thili athumna miwui Naomayarana hakkhamahā pangshap kala tekhamatei eina ngasoda muiyā tongda kharā theira.

JOHN 7:1

Hiwui thili Jishuna Galileeli yaovai. A Judeali mavāngaithuwa, kaja chili khalei Jihudibingna ali shaothat khavai rimhaowa.

OTSAK 17:10

Ngayākhaleoda shitkasangabingna Paul eina Silasli Bereali chihovāhaowa. Anina azangkhaleoda synagogueli vai.

OTSAK 17:14

Shitkasangbing china Paulli ngalāngda shamadruvāk chihovāhaowa, kha Silas eina Timothyva Bereali pamhaowa.

OTSAK 20:1

Ngawunlop kahai chi vikahai eina Paulna shitkasangbingli hokhuilaga kazipngarumda kasatsangmi kala kapāngtuila matuilaga Macedoniali vāhaowa.

OTSAK 8:1

Kala ali sākathat chi Saulnala mayai. Chithang Jerusalemli khalei churchli sākashi kachotkachāngwui rekakharek haophokhaowa. Chiwui vang paokazatbing maningla khangatei saikora Judea eina Samariawui apam saikorali ngapha̱yāng yāmvāhaowa.