MATTHEW 10:22 - Kathara Bible (BSI)

²² I wui vang eina nathumli mi saikorana yangkharingra. Kha khanao eina tangda khāngkashapa china kahui samphangra.

MATTHEW 10:22 Iomraidhean Croise

CHĀNSAM 29:27

Makhamashung mi hi khangarongawui vang ningkakachai otna, kha mashun apongli kazat mi hi makhayāwui yangkakharing otna.

MATTHEW 10:39

Kachikathāna awui mirin mashimān khavai saakha shimānra; kha mashivāmla iwui vang eina mirin mikashapa china ringra.

MATTHEW 24:13

Kha khanao eina tangda khāngkashap mi chili huikhuira.

MATTHEW 24:9

“Chiwui thili nathumli tukkhuida tandi mikhavai kala shaothat khavai misangra. Yur saikorana iwui vang eina nathumli yangkharingra.

MATTHEW 5:11

“Iwui vang eina mibingna minamda khamashāt, rekakharek kala phenphāphāda morei chiphunkahaibing nathum sokhamina.

MARK 13:13

iwui mingwui vang mi saikorana nathumli yangkharingra. Kha khanao eina tangda kakhānga chili huimira.

LUKE 21:17

Nathumli imingwui vang mi saikorana ningkachaira.

LUKE 21:19

Nathumwui khāngkathei china nathumwui manglā kharing samphangra.

LUKE 6:22

“Miwui Naomayarawui vang eina nathumli ningkakachai, mahei kahai, kachipat kala nali aming phorphāphāda kazei tharan sokhami ngasāranu!

LUKE 8:15

Ngalei katumpamli tākazangbing chiya tui chi shākhuilaga ningkathar kala kahāng khanganā wuklung eina singtitta khānglaga athei kachungkha khamatheibing chi kathāna.

JOHN 17:14

Ina nawui pao chi athumli mi, chieina okathuina athumli ningkachaihaowa kaja ina okathui hiwui makhaning thada athumla okathui hiwui maningmana.

JOHN 7:7

Okathuina nathumli maningkachairarmana, kha ili ningkachai, kaja chiwui otsakbing chi makaphāna da ina hāngching kajiwui vangna.

OTSAK 9:16

Ana iwui mingwui vang kayākha chotchangra̱khala kaji ina ali chitheira.”

ROMNAO 2:7

Mi kaikhava kaphā ot sāchingda lei, kathi makhavai kharing phai; athumli Varena katang makhavai kharing mira.

2 CORINTHNAO 4:11

Ithumwui shimānkapai phasā hi eina awui kharing chi theikhuipai khavai Jishuwui vang ithum thikapai ka̱lāshat samphangchinga.

GALATIANAO 6:9

Chieina kaphā kasāli ngachāng machathaiasa kaja chi sāchingakha kahāt atam kharā eina hātkakhui samphangra.

HEBREWNAO 3:14

Kharewui eina ithumna shitkasang khalei chi khangachang eina tangda singtitakha ithum Khristawui otsakrumasera.

HEBREWNAO 6:11

Nathumwui kachihān chi ungshungchao khavai nathum kachiva̱na khanao eina tangda mayontit kaji hi ithumwui ningkachāngna.

JAMES 1:12

Chāng khayangli shitkasang makhangachei mi chi sokhamina, kaja ana chāng khayangli nganingshapakha ishameili leikashebingli ngashitmi kahai kharingwui wungkuihon chi awui sāman sāda samphangra.

1 JOHN 3:13

Ivānaongarā, nathumli okathuina yangkharinglala matakhak kahai masaalu.

PHONGKHAMI 2:10

Nathum khanangki kaji khikhikhawui vang mangangalu. Yanglu nathumli chāng tamyang khavai chipeena kaikhali phātop sangra; kala tharāthangwui vang kakhanang samphangra. Kathi eina tangda ili shitsangmalu; Ina kharingawui kuihon mira.

PHONGKHAMI 2:17

“Churchbingli Manglāna kahāng chi khanā kakaana nganākhuiranu! “Khayuia athum chili ina ngathum kahai manna mizāra; Ina kachara ngalung akhala mira, ngalung chiwuitungli aming kadhara akha kapisanghai. Aming chi samkaphangapa maningla khipānakha matheimana.

PHONGKHAMI 2:26

Khayuia kala khanao eina tangda iwui ot kasāpa chili yurbingwuitungli ina pangshap mira;

PHONGKHAMI 2:3

Nana ningzingharingda iwui mingwui vang khāngmihaira, thālala mathāhailakrangli kaji ina thei.

PHONGKHAMI 2:7

“Manglāna churchbingli kahāng chi khanā kakaana nganākhuiranu! “Khayuiya chili, Varewui Paradiseli khalei kharing thingrongwui athei chi ina shaingasakra.

PHONGKHAMI 3:21

Ina khayui samphangda Ishāvāli ngasoda awui wungpamkhongli ngasokapam thada khayuiyapā chili iwui wungpamkhongli ili ngasopam khavai ina mayāmira.