MATTHEW 10:21 - Kathara Bible (BSI)

²¹ “Achināna achināli, avāva̱na anaogarāli shaothat khavai khuivāmira. Anao ngarāna ava̱ avāli mamayāmada athumli shaothat ngasakra.

MATTHEW 10:21 Iomraidhean Croise

2 SAMUEL 16:11

Abishai kala awui rao saikorali Davidna hānga, “Yanglu, iwui naomayarana ili sāthat khavai phaakha, Benjaminwui mina kayākha sakmeida sāra! Aningkhānranu, ana khonshiranu; kaja Prohona kakasona.

JOBWUI LAIRIK 19:19

Iwui khangavapa ngasotnaobingna ili yangkharingserhaira; kala ina leikashibing china mamayāthura.

LAA 50:20

Nathumna pamda nachināli makaphā tui hāngpama; nava̱wui naoli nana mashāta.

ISAIAH 19:2

Kala ina Egyptnaobingna Egyptnaobingli mamayā khavai kasatra, kala mi kachivana achinangarāli, mi kachivana awui khongnaiali, keinung eina keinung, wungram eina wungram ngashao ngarokra;

ZECHARIAH 13:3

Kala kachikathāna marān sāda rāluishitakha ali pharākakhuiya ava̱ eina avāva̱na hāngra, ‘Na maringmara, kaja nana Prohowui ming eina kakapik tui matui.’ kala ali pharākakhui ava̱ eina avāva̱na ali khamarān ot sāda leilakha rungthathaora.

MATTHEW 24:10

Kala chiwui thili kachungkhana yāmhaora, kala akha eina akha yansai ngarokra kala yangkharing ngarokra.