MATTHEW 10:20 - Kathara Bible (BSI)

²⁰ Kaja matuiki kaji chi na maningmana, kha nathumwui Avāwui Manglāna nali matui ngasakki kajina.

MATTHEW 10:20 Iomraidhean Croise

2 SAMUEL 23:2

Prohowui manglāna ili matui ngasakta, awui tui imaleli sangkhamina.

SHONGZĀ 4:12

Chieina ara vālu, ina nakhamorli ngasomira, kala khi matuirakhala kaji chi tamchitheira.”

MATTHEW 6:32

Kaja Gentilebingna katonga hi phāzata; kala nathumna saikora hi darkar sai kaji nathumwui kazingramwui Avāna thei.

MARK 12:36

Manglā Katharana kasatmida David khalattana hithada hānga; ‘Prohona iwui Proholi hānga, nawui yangkashebingli nawui pheinai masā ngasakranglakha eina tangda, iwui yāshong pamlu.’

LUKE 11:13

Maphasālala nana naongarāli khamathā ot mitheiakha, kazingramli khalei Avāva̱na ali kapobingli kayākha mataida Manglā Kathara mirakhala?”

LUKE 12:12

kaja Manglā Katharana nathumli atam chichangli nathumna hāngkhangayi chi tamchitheimira.”

LUKE 21:15

kaja ina nathumli matuikatheila, thangkhameila mida nathumwui yangkashe khipānakha nathumna kahāng chili ngateida makhalatkhuirarmara kala mamashungmana dala mahāngrarmara.

OTSAK 13:9

Kha Saul, Paulla kaho china Manglā Kathara pemtinghaoda Elymasli mik taringda yanglaga hānga,

OTSAK 2:4

Chieina athum Manglā Katharana pemtinghaoda Manglāna athumli matui khangasak tuiyur khangatei eina matuiphokhaowa.

OTSAK 28:25

Chieina athum mamayā ngarokthuda Paulna tui hi hāngkahaiwui thili athum ngathānhaowa; “Manglā Katharana marān Isaiahwui mangā eina navā ngarāli hithada hānghaikasā chi mashunga!

OTSAK 4:8

Chieina Manglā Katharana pemkahaiya Peterna hānga, “Yaruiwui kathānabing kala ararnaobing!

OTSAK 6:10

Kha Stephenli Manglāna thangkhamei sangmida khamatui chitharan, athumna mangasungrarthuwa.

2 CORINTHNAO 13:3

Khristana ili matui khangasakna kaji nathumna ningkachāng theikhangai pramān saikora samphangra. Nathumli machinkida Khrista mangazanmana kha awui pangshap chi nathumli theingasakra.

1 THESSALONICANAO 2:13

Khiwui vang eina ithumna atam kachida Vareli ningkashi khamikhala kajiwui apong khangateila lei. Ithumna nathumli Varewui paokaphā khuikharā tharan nathumna nganai kala miwui chānpao maningla Varewui chānpaolaka da kakhuila khuisanga. Kaja shitkasanga nathumwui alungli Varena ot sāda lei.

1 PETER 1:12

Marānbingli Varena phongkhami hi athumwui vang maningmana, kha nathumwui vangna kaja paokazatbingna kazingramwui eina kashirāt Manglā Katharawui mangā eina nathumli hāngkhami ot hi kazingraobingnala theingai.

2 PETER 1:21

Kaja khamarān hi miwui ning eina haokaphok maningmana, kha Manglā Katharana kasatmilaga Varewui eina kharā tui chi mikumona khamatuina.