MATTHEW 10:15 - Kathara Bible (BSI)

¹⁵ Ina nathumli kachangkhat kahāngna, bichar sāthanghon Sodom eina Gomarrahwui mibingli bichar kasāliva chikathā keinungwui mibingli bichar kasāna sakmeira.

MATTHEW 10:15 Iomraidhean Croise

MATTHEW 12:36

“Ina nathumli kahāngna, bichar sāthanghon mi kachiva̱na ana matuishokphāphā kahai chiwui maram misera;

MATTHEW 5:18

Ina nathumli kachangkhat eina kahāng hina, kazingram eina okathui mashimānranglakha eina tangda kala sāki kaji ot saikora masākupranglakha eina tangda ainwui mayekkainao akhala mashimānlakmara.

MATTHEW 7:22

Chithanghon mi kachungkhana ili ‘Proho, Proho, ithumna nawui sāshap-pangshap chieina mamarānmala? Kala nawui pangshap eina kameo makashamshokmala? Nawui sāshap-pangshap chiwui alungli ithumna matakhak kahai tarākha masāmala?’ da hāngra.

MARK 6:11

Kala kachikatha apamli nathumli mazun ngasakakha kala manganāsangakha, nathum kazat tharan athumli makhamayawui shākhi kachithei sāda pheili kakā chifa chi kathangtāhailu.”

JOHN 12:48

Ili mamayāmada iwui tui makhuisangakha ali bichar sākhavai akha lei; ina hāngkahai tui china khanaowa zimiksholi awui bicharwo ngasāra.

JOHN 6:39

Ili kashirātana ili sāngasakkhangai chi hina; chiya, ana ili mikahai saikora chi akhala mashimān ngasakla khanao zimiksholi ina athumli ringshok ngasakserphalungra.

JOHN 6:40

Hi iwui Avāwui ningkachāngna kaja Anaomayarali theilaga ali shitkasangbingli katang makhavai kharing samphang ngasakra. Kala khanaowa zimiksholi ina ali ringshok ngasakra.”

OTSAK 17:31

Kaja ana kapangsang kahai mayarnao china okathui saikorali mashun bichar sāmi khavai zimiksho akha kak-kahaina. Ana mayara chili kathiwui eina ringngasakta mi kachiva̱li hiwui pongli shākhi mihaira!”

1 CORINTHNAO 3:13

kha Khristawui Zimikshothang mi ava̱va̱wui otsakwui magun phongshokra; kachangkhat otsak chiwui magun chi mei eina chāng yangra.

1 THESSALONICANAO 5:4

Kha ivānaobing, nathum tangkhamangli maleimana, chiwui vang eina Prohowui latkharā Zimiksho chi khale thada kashuirak eina rālala matakhak kahai masālu.

HEBREWNAO 10:25

Mi kaikhana kasā thada masāla ithumva mamalaihaila kazipngarumchingsa. Kala akha eina akha mataimeida kasatsang ngaroksa kaja Prohowui Zimiksho chi rānganaihaira kaji nathumna mik eina thei.

2 PETER 2:6

Varena Sodom eina Gomorrah keinung khani chili malungkhavāt thada mei eina shimān khangasak hi Vareli makachapbingli naoda khi shokrakhala da theikhuikhavai saakha,

2 PETER 2:9

khamashungbingli kathada kachotkachāngwui eina kanshokrakhala kala bichar sāki kaji zimiksho marāranglakha makaphābingli kathada tandi mida narhairakhala kaji Prohona thei.

2 PETER 3:7

kha arui leida khalei kazingram eina okathui hi Varena ngaraikachā kakaso mida mei eina sāshimān khavai phāri kahaina, kaja mashitkasangbingli bichar sālaga shimān ngasaki kaji zimikshowui vang haikahaina.

1 JOHN 4:17

Bichar zimiksholi ninganungmei khavai ithumwui lungli leikashi chi pongngasaka kala chi ithumna samphangra, khikhalajila okathuili ithumwui mirin hi Khristawui thāpapamma.

JUDE 1:6

Kazingraobingna athumwui pangshap chi shichinnguihaida athumwui pam chiho kahaiwui vang, khanaowa zimiksho chi marāranglakha eina tangda Varena katang makhavai marikhānghui eina khalaplaga tangkhamangli haira, chi phaningung ngasakngai.

JUDE 1:7

Sodom eina Gomorrah kala chiwui luinganaili khaleibing athumna chikathā kazingraobingwui thada kasā, khamathang-khamarang kala makaphā-makhayā otmāng kasāwui vang makhamit meiwui tandi samphangra da saikorali theikhangasak hi phaningunglu.