MATTHEW 1:23 - Kathara Bible (BSI)

²³ “Yanglu, mafakathui sha̱nao akhana nao vaida mayarnao akha pharāra, kala awui ming Emmanuel phokra” (hiwui kakhalata Varena ithumli ngasomi) kajina.

MATTHEW 1:23 Iomraidhean Croise

LAA 46:11

Ashangva̱wui Proho chi ithumli ngasomida lei; Jacobwui Vare chi ithum ngayin khavaina.

LAA 46:7

Ashangva̱wui Proho ithumli ngasomida lei; Jacobwui Vare ithumwui ngayin khavaina.

ISAIAH 12:2

Yanglu, Vare iwui huikhamena, ina shitsangda mangacheemara; kaja Proho VARE iwui yāngna kala iwui laana; kala ana iwui huikhame ngasāhaira.

ISAIAH 7:14

Chiwui vang eina Proho akhalattana nathumli machut akha mira. Yanglu, ngalānao akhana nao vaida mayarnao akha pharāra kala awuiming Immanu-el hora

MATTHEW 1:24

Chiwui thili Josephna kapiwui eina ngakarthuilaga Prohowui kazingrao china ali sāluda hāngkhami athishurda Maryli ngakumhaowa.

MATTHEW 28:20

kala ina nathumli kaso kahai saikora chi mayon khavai athumli tamchitheilu, kala mithot khangachang eina tangda ina nathumli ngasomichingra.”

LUKE 20:44

Chithada sāda Davidna ali ‘Proho’ hoi; chithākha kathada awui naomayara ngasāpaira̱khala?”

JOHN 1:14

Kala Tui chi asā ngasāhaowa kala lukhamashan kala khamashung pemting eina ithumwui alungli raokthui. Avāvawui Naohonaotong sāda ana samkaphang awui tekhamatei chi ithumna yanga.

OTSAK 18:9

Thang ngayakha Paulli Prohona rāmahāmida hānga, “Mangacheealu, tamchitheilu, kasaikha mapamhaialu;

ROMNAO 8:31

Chithākha ithumna hili khi hāngluira? Vare hi ithumwuina jiakha khipāna ithumli yangshirarra?

ROMNAO 9:5

Athum mingkhamayanga Jihudi yurwui awo-ayibingwui ara̱-azāna kala Khrista hi phasāwui pongli athumwui yurna. Saikorawuitungli khamunga Vareli katang mavaila sochikatchingranu! Amen.

2 CORINTHNAO 5:19

chiya Varena Khristali zangda okathui hi ali ngashim ngasaka kala mikumowui khayonkhamāng mashānluila khangashim pao hi hāngkhavai ithumli horsangmihaira.

1 TIMOTHY 3:16

Ithumwui dharmawui ngathum kahai hakhamahā chi khipānakha maningmana majirarmara: A mikumowui phasā kāda rai, hi Manglāna mashunga da chithei, kala kazingraobingna thei. Awui pongli miyur saikorali hāshoka, okathui peidana shitsanga, kala tekhamatei eina khuikāhaowa.

2 TIMOTHY 4:17

Kha Prohona nganingmi kala ili pangshapla mi. Chieina Gentilebing saikorana nganāsang khavai paokaphā chi ina hāshokshaphaowa; a kala ili shaothat khavai khak tāki kaji chiwui eina kanshokmi.

2 TIMOTHY 4:22

Prohona nawui manglāli ngasomiranu. Varewui lukhamashan nathum saikorali ngasomiranu.