MATTHEW 1:22 - Kathara Bible (BSI)

²² Prohona marānwui khamor eina matui kahai chi ungshung khavai saikora hi rākashokna.

MATTHEW 1:22 Iomraidhean Croise

1 WUNGNAOBING 8:15

Kala ana hānga, “Ishāvā Davidli awui khamor eina ngashit kahai chi apāng eina ungshungkhame Israelwui Proho Vare chili soranu,

1 WUNGNAOBING 8:24

narao David ishāvāli nana ngashit kahai chi makailakmana. Kachangkhat eina nakhamorna hāngkahai chi aja napāng eina ungshungmi.

EZRA 1:1

Persiawui awunga Cyrusna pānkhare kum, Jeremiahwui khamor eina hāngkhangasak Prohowui tui chi ungshung khavai, Prohona Persiawui awunga, Cyruswui ning ngatha̱ ngasaka; chieina awui wungram saikora vāshungchaoda ana pao akha chishāta, kala chi kakapila kapi:

MATTHEW 12:17

Hi Isaiah marānna hānghaikasā chi ungshung khavaina:

MATTHEW 13:21

thalala awuili angayung maleithuwa, kha kasha̱nakhawui vang khānglaga tui chiwui vang kakhanang kachot nilala, rekakharek nilala kharā eina ngalāngda sana̱unghaowa.

MATTHEW 13:35

Hi marānna hāngkahai chi ungshung khavaiwui vangna: “Ina chānjam shichinda hāngchitheira, okathui haokaphokwui eina thumhaikasā chi ina hāngra.”

MATTHEW 2:15

Herod mathiranglakha eina tangda chili pama. Hi Prohona marānwui khamor eina matuishok kahai, “Inaomayarali Egyptwui eina ina hoshoka” kaji ungshung khavaiwui vangna.

MATTHEW 2:23

Ana Nazareth kaho keinung akhali vāpāna, chi marānbingna “Ali Nazarene hora” da hāngmarānhaikasā chi ungshung khavaina.

MATTHEW 5:17

“Ain eina marān tui chi shimān ngasakida I kharāna da maphaningalu. Chi shimān ngasakida kharā maningla kha chi ungshung ngasak khavai I kharāna.

MATTHEW 8:17

Hi Isaiah marānna “Ana ithumwui kakazā saikora khuithuimiya kala ithumwui kazāt saikora phungmiya” da hāngkahai ungshung khavaina.

LUKE 21:22

Kaja kathara lairikli kapi kahai tui chi ungshung khavai athut kakhui atamna.

LUKE 24:44

Chiwui thili ana athumli hānga, “Hi ina nathumli ngasopamlakha hāngkahai, matui kahai saikora china, kaja marānbingwui lairikli, Moseswui ningkhami lairikli, Laa lairikli kapi kahai saikora chi ungshungphalungra.”

JOHN 10:35

Kathara lairikli kapi kahai hi mashimānda mashunga kaji ithumna thei, kala Varena chikathābingli kameonao hoi, chikathābingli ana awui chānpao miya.

JOHN 15:25

Chithālala hi shokphalungra, kaja ainli kapi kahai ‘Khi ngalangkha maleila athumna ili ningkachaihaira’ kaji hi ungshung khavaina.

JOHN 17:12

Nana ili mikahai athumli ina ngasoda leilakha namingwui pangshap eina ina athumli mayonmi, ina athumli mayonmida leilakha, kathara tui chi ungshung khavai shimānphalungki kajepa maningla khipākha mashimānmana.

JOHN 18:9

Jishuna kahāng hi ana hānghaikasā “Nana ili mikahai athum akhala mashimānmana” kaji chi ungshung ngasak khavai kahāngna.

OTSAK 3:18

Kha Varena awui marānbing saikorawui khamor eina Khristana kachotkachāng phungphalungra da rida hāngkahai chi ana ungshung ngasakhaowa.

ROMNAO 1:2

Kathara lairikbingli kapi kahai thada Varena achālakhawui eina awui marānbingli paokaphā hi hāshok khavai ngashitmihaira.

PHONGKHAMI 17:17

Khikhalajila Varena awui sāki kaji ot wungshung khavai athumwui ningli sangmihaira, kaja Varena hāngtā kahai maungshungranglakha eina tangda, athum khokkha sāda sāyur chiwuitungli pangshap horsangmira.