MATTHEW 1:21 - Kathara Bible (BSI)

²¹ Ana naomayara akha pharāra, nana awui ming Jishu phokra, kaja ana awui mibingli athumwui moreiwui eina huikhuira.”

MATTHEW 1:21 Iomraidhean Croise

HAOKAPHOK 17:19

Varena hānga, “Maningmana, kha napreiva̱ Sarahna nali nao mayarnao akha pharāmira, kala nana awui ming Isaac hora. Ali kala awui ara̱-azābingli mashimānla iwui tuingashit hi leingasakchingra.

HAOKAPHOK 17:21

Kha iwui tuingashitva Sarahna zingkuma hitharan pharāki kaje nawui nao Isaacli sāra.”

HAOKAPHOK 18:10

Prohona hānga, “Ina mashoila mayokachāng rāluira, kala napreiva̱ Sarahna naomayarnao akha samphangra.” Sarahna awui khanukli kachonshimwui khāmongli nganāpamsai.

JEREMIAH 23:6

Awui thotli Judahli kanmira, kala Israel chingri eina okthuira. Kala ali hoki kaji aming chi hina: ‘Proho hi ithumwui khamashung khangarongana.’

JEREMIAH 33:16

Chitharan Judahli kanmira kala Jerusalem tāphup eina sompamra. Kala ‘Proho hi ithumwui khangarongna’ kaji aming eina hora.

DANIEL 9:24

“Nawui mibing kala nathumwui kathara keinungwui pongli khalāng ot kasāwui eina ngalat khavai, morei kasā tangkhavai, kala pheomi khavai, katang mavaila khamashung khangarong samphang khavai, khamahātui eina marāntui khanini mahor namkhavai, kala tharmathengmeikap kajepam chi thao neomi khavai atam, zingkumwui haptā hangshini kakmihaira.

ZECHARIAH 9:9

Ringphālu, O Zionwui naongalāva̱! Pangda vaolu, O Jerusalemwui naongalāva̱! Yanglu, nawui awunga gadhā alānao akhali tongda nawuili rārāli; maikhayā kala khayuiya chi alaka,

MATTHEW 1:25

Kha apreiva̱na nao chi mapharāranglakha eina tangda ali phasā mangasomana kala nao chiwui aming Jishu phokmi.

LUKE 1:13

Kha kazingrao china ali hānga, “Zechariah, mangacheealu, Varena nawui seihā kasā shāmihaira, chieina napreiva̱ Elizabethna mayarnao akha pharāra. Nana awui ming John phokra.

LUKE 1:31

Yanglu, nana nao vaida mayarnao akha pharāra kala nana awui ming Jishu phokra.

LUKE 2:11

Aja Davidwui keinungli nathumwui vang Huikhame akha pharāhaira, ava Proho Khristana.

LUKE 2:21

Zimiksho chishatthangwui thili angangnao chili ahui rimkashok tharan ali Jishu phoka, aming hi ava̱va̱na ali mavairanglakha kazingraona phoklu da hāngmi kahaina.

JOHN 1:29

Akhama kathā Jishu rākharā theida Johnna hānga, “Yanglu, okathuiwui morei khuithuikhame Varewui Yaonao!

JOHN 4:42

Athumna sha̱naopava̱ chili hānga, “Nana kahāng chiwui vangmāng ithumna shitkasang maningmana, kha ithum khalattana awui tui shāhaira kala a hi okathuiwui Huikhamelaka da ithumna theihaira.”

OTSAK 13:23

Varena ngashitmi kahai athishurda Davidwui naotun Jishuli Israel yurwui Huikhame sāngasakhaira.

OTSAK 3:26

Varena awui rao chi kapangkhuida, mi kachiva̱na makaphā-makhayāwui eina mai ngareiungda sokhami samphang khavai rimeikapta nathumwuili chihorai.”

OTSAK 4:12

Huikhami hi khangatei khipākhawuilila maleimana, okathui hupva̱li mibingwui ngachaili aming hi maningla khangatei huimishapa aming mikahai maleilakmana.”

OTSAK 5:31

Varena ali Isrealnaobingli ningngateida, morei pheomi khavai kathāna Huikhame akha sāngasakta awui yāshong chipama.

TITUS 2:14

makaphā makhayāwui eina ngatangkhuida awui kathara kala khamareka mi sākhavai a khalatta ithumwui vang chigatmi.

HEBREWNAO 7:25

Chiwui vang awui ming eina Vareli kazanga saikorali aruila kala atam kachida ana huimishapa. Khikhalajila ana athumwui vang Vareli phayetmichinga.

1 JOHN 1:7

Kha ana kahorli khalei thada— ithumna kahorli okthuiakha ithum akha eina akha ngarumsak lei, kala Anaomayara Jishuwui ashee china ithumli morei saikorawui eina tharmi.

1 JOHN 3:5

Khristana morei sonthuimi khavai kharāna kala awuili morei maleimana kaji nathumna thei.

PHONGKHAMI 7:14

Chieina ina ali ngahānkai, “Amei, nana katheina,” Chieina ana ili hānga, “Athum hiya kachotkachāngwui eina shokkahaibingna kala athumwui sāri Yaonaowui ashee eina ngasa̱hailaga charshi eina sākhui kahaibingna.

WUNGVA̱-WUNGVĀ 13:3

Kala Prohowui kazingrao china preiva̱ chili rāchitheida hānga, “Yanglu, na nao shumhaida naongarā maleimana; kha nana naoda mayarnao akha pharākhuira.

1 SAMUEL 1:20

kala atam ungkashung eina Hannah nao vaida mayarnao akha pharāhaowa, kala aming Samuel hoi, kaja Hannahna hānga, “ina Prohowui eina nao hi pokakhuina.”