MATTHEW 1:20 - Kathara Bible (BSI)

²⁰ Kha ana hiwui pongli machukta leilakha, yanglu, Prohowui kazingrao akhana awui mangshongli rāhānga, “Davidwui naomayara, Joseph, napreiva̱ Maryli khuikida mangacheealu, kaja ana vaida khalei chi Manglā Katharawui pangshap einana.

MATTHEW 1:20 Iomraidhean Croise

HAOKAPHOK 31:11

Chieina Varewui kazingraona mangshongli ili ‘Jacob’ da kaho eina ina, ‘I hili leili!’ da ngahānkai.

HAOKAPHOK 46:3

Chieina ana hānga, “I Varena, navāwui Varena; Egyptli tākida mangangalu; kaja apam chili ina nawui eina miyur kahaka akha sākhuira.

1 WUNGNAOBING 17:13

Elijahna hānga, “Mangangalu, nali kahāng thāda sālu, kha ili khamui hāngkha mifalu, chiwui thili nanaomayara naniwui vang sākhuinaolu.

1 WUNGNAOBING 3:5

Gibeonli leilakha ngayāshong, mangshongli Prohona Solomonli rāchithei; kala Varena hithāda hānga, “Nali khi milu jikhala polu.”

LAA 119:125

I nawui raona; theishingkakhui ili milu; chieina ina nawui tamkachithei theikhuipaira.

LAA 143:8

Nawui makhangachei leikashi ngathorshong ili shāngasakmilu, kaja ina nali shitsanga. Ina zatki kaji apong chi ili tamchitheimilu; kaja nali imanglāna yangkakāna.

LAA 94:19

Iningli kakhanang kachungkha khalei tharan, nawui ninglumkhamina imanglā ringphāngasaka.

CHĀNSAM 12:5

Khangarongawui kaphaning tāzak hai; makhayā miwui hāngkachithei mikhanamānga.

ISAIAH 26:3

Nali ning horkasanga kala nali shitkasanga a chili nana chingri eina nganaomi.

ISAIAH 30:21

Khanukshong khamatui nathumwui khanāna shāra, “Hi khamashunga shongfa china, uivāk vālala, yāvāk vālala, chili zatlu.”

ISAIAH 51:7

“Khangarong kathei nathum, ili nganālu, wuklungli iwui ain khalei mibing, miwui kakhararli mangacheealu, kala athumwui khamashātli ning masuitaalu.

ISAIAH 7:13

Chieina Isaiahna hānga, “Chieina nganālu, O Davidwui shimkhur! Mibingli khanang khangasak chi mashapmada iwui Varelila khanang ngasakki kajila?

ISAIAH 7:2

Davidwui shimkhurli, “Syria eina Ephraim ngashikhaira,” da kahāng eina awunga eina awui mibing masili thingrongbing khanganuk thāda kathirhaowa.

JEREMIAH 31:22

O shitkasang makhaleiva̱, karankha ningchungpamfarakhala? Kaja Prohona okathuili ot kadhar akha sāhaira: sha̱nao akhana mayarnao akhali kanmi.”

JEREMIAH 33:26

Jacobwui kala iwui rao Davidwui arā-aza̱bingli kapangkhuida, Abraham, Isaac, kala Jacobwui atheili mungkhavai makapangkhuimara. Kaja ina athumwui shimlui hanmiluira, kala athumwuitungli lumashanmira.”

JEREMIAH 40:9

Shaphanwui naomayara Ahikamna kapharā Gedaliahna shākhi sāda hānga, “Chaldeanaobingli otram ngatha̱rada mangacheelu. Ngalei chili pamlaga Babylonwui awungali otram ngatha̱lu, nathum ringphāhaora.

JOEL 2:28

“Kala naoda hithāda shokra, chiya, phasā khavai kachiva̱li iwui manglā heirormira. Nanaomayara, nanao ngalāva̱ ngarāna marānra, khararnaobingna mang machutra, kala yaronnaobingna khamahā theira.

MISHĀN 12:6

Ana hānga, “Iwui tuibing nganālu: nathumwui alungli marānkhame leiakha Proho I khalattana ali mahāmi kala ina mang eina ngazeka.

MATTHEW 1:18

Jishu Khristali kapharā chi hithada shoka. Ashava̱ Mary Josephli khāmhaisai, kha ani mangakumranglakha Manglā Katharawui pangshap eina ali nao vaingasakhaira kaji theihaowa.

MATTHEW 2:12

Mangshong Herodli malatungluialu da rākasohaoda athumna shongfa khangateishong eina aramli hanunghaowa.

MATTHEW 2:13

Athum zatkahaiwui thili yanglu, Prohowui kazingrao akhana mangshong Josephli ramahāda hānga, “Ngakarthuilu, angāngnao eina ava̱li khuiphungda Egyptli yāmvaulu, kala ina pao mashirātranglakha eina tangda chili pamsālu; kaja Herodna angangnao chili sāthat khavai phāki jiura.”

MATTHEW 2:19

Herod thikahaiwui thili Prohowui kazingrao akhana mangshong Josephli ramahāda hānga,

MATTHEW 2:22

Kha Archelausna avāva̱ Herodwui mahut shinda Judeali mungda lei kaji Josephna kashā tharan apam chili ungzangkida ngacheehaowa, kala ali mangshong rāhāngchitheimihaoda Galilee ngaleivāk unghaowa.

MATTHEW 27:19

Chili lāngda Pilatena bichar sākhavaipamli leilakha apreiva̱na ali tui akha shirāta, “Khayon makhalei mi chili khikha sākhavai maleimana, khikhalajila arui ngayā iwui mangshong ina awui vang tarākha khananghaira.”

MATTHEW 28:5

Kha kazingrao china sha̱nao khani chili hānga. “Mangacheealu, khikhalajila nathumna krushtungli shaothat kahaiya Jishuli kaphāna kaji ina thei.

LUKE 1:19

Kazingrao china ali ngahānkai, “I Varewui mangāli khanganinga Gabrielna, nali ngazek khavai kala khamathā chānpao hi khuirāmi khavai ili chihokharāna.

LUKE 2:4

Josephla Galileeli khalei Nazareth keinungwui eina Judeali khalei Bethlehem kaho Davidwui keinung chili vai, kachiwui vangkhala kaja Joseph hi Davidwui naotunna.

OTSAK 5:19

Kha ngayāshong Prohowui kazingrao akhana phātop shimwui khamongbing chi shomihailaga athumli khuishokta hānga,

PHONGKHAMI 19:7

Ithum mathānda ringphāsa kala aming tekmatei ngasaksa, khikhalajila Yaonaowui shakzāt atam rāhaira, awui Mākkhām kahaiva̱ ngarānpinghaira;

WUNGVA̱-WUNGVĀ 13:3

Kala Prohowui kazingrao china preiva̱ chili rāchitheida hānga, “Yanglu, na nao shumhaida naongarā maleimana; kha nana naoda mayarnao akha pharākhuira.