MATTHEW 1:11 - Kathara Bible (BSI)

¹¹ Babylonli khuikhavā atamli Josiahna Jechoniah eina achinā ngarāli pharai.

MATTHEW 1:11 Iomraidhean Croise

2 WUNGNAOBING 23:31

Jehoahazna mungkaphok atam tharan kum maga̱da kathum kāshunghairasai, kala ana Jerusalemli kachāng kathum munga. Ava̱va̱li Hamutal hoi, kala Libnahli khalei Jeremiahwui naongalāva̱na.

2 WUNGNAOBING 24:14

Jerusalemwui mi saikora, kachām-khangaibing maningla, wungnao saikora, rai kapingbingla, athum thingtharā tukkhui, kachām-khangaibing maningla, pāngthem kathembing, mari kasābing chi tukthui kahaina.

2 WUNGNAOBING 25:11

Taihaikasā mibing, yāmhaida Babylon awungali yāmkasangbing, kala khangatateibingla raituk sāda raikānmewui kathāna Nebuzaradanna shimenthuiserhaowa.

2 THOTRINCHĀN 36:10

Chikumwui kanrei atamli awunga Nebuchadnezzarna mi chihovāda ali kala Prohowui shimli kahai aman kasaka khorkhongbing eina ngasoda khuiung ngasaka; kala achinā Zedekiahli Judah eina Jerusalemwui awunga sāngasakhaowa.

2 THOTRINCHĀN 36:20

Mashaothat khangakanbing chi Babylonli tukunglaga, Persiawui wungram masākāranglakha eina tangda awui kala anao mayarawui raonao sāngasakchinga,

ISAIAH 13:1

Babylonwui pongli Amozwui naomayara Isaiahna kathei khamarān:

JEREMIAH 27:20

Jehoiakimwui naomayara, awunga Jeconiahli ngasoda Judah eina Jerusalemwui khangamabingli Babylonwui awunga Nebuchadnezzarna Jerusalemwui eina raithā kahai tharan, makhuithuikhanar otbing chiwui pongli—

JEREMIAH 39:9

Chiwui thili khamayonbingwui kathāna Nebuzaradanna, keinung lungli mathikhangakanbing, awui eina khayāmbing eina leikasābing chi Babylonli tukvāserhaowa.

DANIEL 1:2

Kala Judahwui awunga Jehoiakimli Prohona Nebuchadnezzarwui pāngli Varewui shimli kahai khorkhong kaikha eina ngasoda horsangmihaoda Shinar ngaleili awui khorumshimli khuiunglaga awui varebingwui lan kazipshimli unghaiserhaowa.

MATTHEW 1:12

Babylonli khuivā kahaiwui thili Jechoniahna Shealtielli, Shealtielna Zerubbabelli pharai.

MATTHEW 1:17

Hithada sāda Abrahamwui eina thuilaga David tāshungda saikora chi mithot tharāda matina, kala Davidwui eina haophoklaga Babylonli khuikhavā tāshungda mithot tharāda matina kala Babylonli khuikhavā eina haophoklaga Messiah kapharā tāshungda mithot tharāda matina.