MATTHEW 1:1 - Kathara Bible (BSI)

¹ Hi David kala Abrahamwui Naomayara Jishu Khristawui mi-un lairikna.

MATTHEW 1:1 Iomraidhean Croise

HAOKAPHOK 12:3

Nali kasobingli inala sora, nali khonkashe chili inala khonshira kala okathui shimkhur hupta nawui mangā eina sokhami ngasāra.

HAOKAPHOK 2:4

Kazing eina ngalei kasā tharanwui thotbing chi hina. Proho Varena kazing eina ngalei sāthang,

HAOKAPHOK 22:18

Kala nawui ara̱-azāwui mangā eina okathuiwui miyur saikora sokhami ngasāra, kaja nana iwui kahāng nganai.”

HAOKAPHOK 5:1

Hi Adamwui naothotbingwui lairikna. Varena mi sākakhui tharān, Varena awui sakrin khuida sai.

LAA 132:11

Prohona Davidli kachangkhat ngashita, chiwui eina ana masa̱na̱ungmara: “Nanao akhali ina nawui wungpamli chipamra.

LAA 89:3

Nana hānghaira, “Iwui kapangkhui kahaibingli tuingashit sāhaira. Iwui rao Davidli ina ngashit kahaina:

LAA 89:36

Awui wungpam leichingra, zimik leilakha eina tangda awui wungpamkhong imangāli leichingra.

ISAIAH 11:1

Jessewui angunrumwui eina ashon akha shonshokra, kala angayungbingwui eina aphāng akha shokra.

ISAIAH 53:8

Rekharekta bichar sālaga ali khuithuihaowa; kaja kharingbingwui eina ali katatthuihaira kaji, iwui mibingwui khalāngwui vang kashaona da awui mibing khipāna chukmajakhala?

JEREMIAH 23:5

“Yanglu, Davidwui vang ina khangaronga Aphāng akha shokngasaki kaji atam chi rārāli, kala ana awunga sāda mungra kala thangmeilak eina sāra, kala ngalei hili mashun kala khangarong eina bichar sāmira.

JEREMIAH 33:26

Jacobwui kala iwui rao Davidwui arā-aza̱bingli kapangkhuida, Abraham, Isaac, kala Jacobwui atheili mungkhavai makapangkhuimara. Kaja ina athumwui shimlui hanmiluira, kala athumwuitungli lumashanmira.”

AMOS 9:11

Atam chili Davidwui shim konglui kahai chi ina khāngmathotluira phākho kakai chi chipholuira, kala ngayāng kahai chi sākhuiluira, kala achālakhawui thāda sākāluira,

ZECHARIAH 12:8

Chithanghon Prohona Jerusalemli kapamabingli chāngvei akha eina ngākmira, kala athumwui ngachaili ngazanmeithuikaje china David thāhaora, kala Davidwui shimkhurna Vare thāda athumwuitungli khalei kazingraobing thāhaora.

MATTHEW 1:18

Jishu Khristali kapharā chi hithada shoka. Ashava̱ Mary Josephli khāmhaisai, kha ani mangakumranglakha Manglā Katharawui pangshap eina ali nao vaingasakhaira kaji theihaowa.

MATTHEW 1:2

Abrahamna Isaacli, Isaacna Jacobli, Jacobna Judah kala achinā ngarāli pharai.

MATTHEW 15:22

Kala yanglu, ngalei chili kapāna Canaanwui sha̱nao akha awuili rāda, “He Amei, Davidwui Naomayara, ili khalumashanmilu; inao ngalāva̱li kameo zanghaida marlak eina kazāda leili.”

MATTHEW 3:16

Jishuli ra̱hikmihailaga tara̱wui eina shokkhaleoda yanglu, kazingram shoda Varewui Manglā chi nasha̱ thada awuitungli tākapa̱ chi ana thei.

MATTHEW 9:27

Jishuna apam chiwui eina thuihaowa kala mik khangapeo mi khanina ali shurrāda panglāk eina “Davidwui Naomayara, inili khalumashanmilu” da vaouwa.

LUKE 1:33

Jacobwui ara̱-azāli katang mavaila ana mungra kala awui wungpam katang mavaimara.”

JOHN 7:42

Kathara lairikli hāngkahai Messiah chi Davidwui shangnaora kala Davidna pamkasa keinung Bethlehemli pharāra” da hanghaili ji.

OTSAK 2:30

A marān akhana kala awui wungpamkhongli awui naotun akha chipamra da Varena ngashitmi kahai chi ana thei.

ROMNAO 1:3

Tui hi awui Naomayara ithumwui Proho Jishu Khristawui aponglina. Mikumowuishong einava a Davidwui ara̱-azāna.

ROMNAO 4:13

Varena Abraham eina awui ara̱-azāli okathui hi athumwui ngasārada ngashitkhami hi ainwui mangā eina kharā maningmana, shitkasang khangarongwui vangna.

ROMNAO 9:5

Athum mingkhamayanga Jihudi yurwui awo-ayibingwui ara̱-azāna kala Khrista hi phasāwui pongli athumwui yurna. Saikorawuitungli khamunga Vareli katang mavaila sochikatchingranu! Amen.

GALATIANAO 3:16

Ara Varena Abraham eina awui ara̱-azāli ngashitmihai, Vare tuili awui “Ara̱-azābingli” da mi tarākhali kahāng thada mahānghaimana kha awui “Ara̱-azāli” da mi akhamāngli hānga, chiwui kakhalat chiya Khrista, mi akha kajina.

1 TIMOTHY 2:5

Kaja Vare akha lei, kala Vare eina miwui ngachaili ngashikkhame akha lei— chiya Khrista Jishu,

2 TIMOTHY 2:8

Ina paokaphā hākashokli tamkachithei kathiwui eina ringshok kahaia kala Davidwui naotun Jishu Khristali phaningunglu.

PHONGKHAMI 22:16

“Jishu ina, churchbingli shākhitui hi hāngmi khavai iwui kazingrao kashirātna. I Davidwui angayung kala naotun, kahora zingthānwona”,