MARK 9:7 - Kathara Bible (BSI)

⁷ Chiwui thili muiyā ngapuiungda athumli rommithaowa kala muiyālungwui eina akhon akha vaorai, “Hi iwui khaluma Naomayarana, awui tui nganālu.”

MARK 9:7 Iomraidhean Croise

LAA 2:7

Prohowui hukhum ina hāngra: Ana ili hānga, “Na inaomayarana, aja I nawui avāva̱ ngasāhaira.

LAA 97:2

Muiyāla kala tangmangting kahai chila awui kuikhamareili lei; khamashung khangarong kala mashunna awui wungpamkhong rungkhavaina.

SHONGZĀ 24:16

Prohowui tekhamatei chi Sinai Kaphungli tāpama, kala tharukthang muiyāna khaluiphinhaowa; kala kashinethang muiyālungwui eina ana Mosesli hoi.

SHONGZĀ 40:34

Chiwui thili kazip khavai kachonshim chi muiyāna ngapuikhamhaowa, kala tabernacle chi Prohowui tekhamateina pemhaowa.

DANIEL 7:13

Ngayāshong mahākhami chili ina thei, kala yanglu, kazingramwui muiyāli ngasoda, miwui naomayara thāda akha kharā thei, kala ana Ringching kaje chiwuili rai, kala awui mangāli anganinga.

MATTHEW 27:43

Ana Vareli chihāna, ana ningchāngakha Varena arui ali rākankhuihaoranu, kaja ana ‘I Varewui Naomayarana’ da hānga.

MATTHEW 27:54

Jishuli mayonkapama raimiwui akhavā eina ali khangaso awui shipaibingna neina̱ kakhanuk, kala kashokshok chi kathei eina ngacheekhaihaoda hānga, “Kachangkhat eina hi Varewui naomayarana.”

MATTHEW 3:17

Kala yanglu kazingramwui eina akhon akha vaorai, “Hi Iwui khaluma Naomayarana, Ina ali ningyāng unglaka.”

MARK 1:11

kala kazingramwui eina akhon akha vaorai, “Na iwui khaluma Naomayarana, Ina nali ningyāng unglaka.”

MARK 9:6

Kaja athum ngacheenahaida a khi hāngsikhala da matheithuya.

MARK 9:8

Athumna kashuirak eina hengsāda kapeikhayang tharan Jishu maningla athumli khipākha ngasopamkasa matheimana.

LUKE 3:22

kala Manglā Katharana nasha̱wui azak khuida awuitungli tapa̱ya kala kazingramwui eina akhon akha vaorai, “Na iwui khaluma Naomayarana, Ina nali ningyāng unglaka.”

JOHN 1:34

Ina chi theihaira kala ina nathumli kahāngna, a Varewui Naomayara chilaka.’”

JOHN 1:49

Nathana-elna Jishuli ngahānkai, “Ojā, na Varewui Naomayarana! Na Israelwui awungana!”

JOHN 12:28

Avā naming tekmateimeiranu.” Chieina kazingramwui eina akhon akha vaorai, “Ina tekmatei ngasakhaira, kala tekmatei ngasakluishitra.”

JOHN 19:7

Jihudibingna ngahānkai, “Ana Varewui Naomayarana da kahāngwui vang a thingayiphalunga kaji hi ainli kapihaida lei.”

JOHN 20:31

kha Jishu hi Varewui Naomayara, Khrista china da nathumna shitsang khavaiwui vang kala shitkasangda awui mingli kharing samphang khavai hibing hi kapi kahaina.

JOHN 5:18

Hi kashā eina Jihudiwui akhavābingna ali shaothat khavai lungsanmeihaowa kaja ana Sabbathwui ain sakakhaimāng maningla Vareli a khalattawui Avāva̱na jihaowa, kala a khalatta Vareli ngaraichā ngasakhaowa.

JOHN 5:37

Ili kashirāta iwui Avāna iwui shākhina. Nathumna awui khon mashālakranga, azakla matheilakranga.

JOHN 6:69

Ara ithum shitsanghaira, kala ithumna theihaira, Varewui Tharkhamathengapa chi nalaka.”

JOHN 9:35

Mipa chili synagoguewui eina aming katathaira kaji Jishuna shai; kala thangkha samkaphang eina ali hānga, “Na miwui Naomayarali shitsangla?”

OTSAK 1:9

Hi hānghailaga athumwui miktāli ali khuikāhaowa, kala muiyāna tākhaluikhuida chiwui alungli shimānhaowa.

OTSAK 7:37

‘Varena ili shokkhangasak thada nathumwui vang nachinā ngarāwui eina marān akha shokngasakra’ da Israelnaobingli kahāng chi Moses hilaka.

OTSAK 8:36

Anina zatmamānda leilakha tara̱ khaleipam akhali vāshunga. Chieina akhavā china hānga, “Yanglu, hili tara̱ leili, ili ra̱hikmikida khi pankhavai leikhala?”

ROMNAO 1:4

Varewui tharkhamathengshong einava kathiwui eina ringkashokwui vang ali pangshap khaleia Varewui Naomayara ngasā ngasaka.

HEBREWNAO 2:1

Chiwui vang eina ithumna shākahai khamashung chi ngazipmeida singphalungra, chithākha ithum chiwui eina mangaphongthuimara.

2 PETER 1:17

Avāva̱ Varewui eina tekhamatei khayākakā samphangda tekhamatei Awungawui eina, “Hi iwui khaluma Naomayarana, ina ali ningyāng unglaka” da kazingramwui eina

1 JOHN 5:20

Varewui Naomayara rāhaira kala ithumli theishingkhui ngasakhaira kaji ithumna thei. Ithum khamashunga Vare, Anaomayara Jishu Khristali ringrumda lei. Hi khamashunga Vare kala makashimān Kharing china.

PHONGKHAMI 1:7

Yanglu, ana muiyā tongda rārāli, mi kachiva̱na ali theira; ali kharungbingla theira; kala awui vang okathui miyur saikorana chapngachāra. Chitharanu, Amen.