MARK 9:44 - Kathara Bible (BSI)

⁴⁴ Chile athumwui mathan kathi mavaimana kala meila khamit mavaimana.

MARK 9:44 Iomraidhean Croise

ISAIAH 33:14

Zionli khalei morei kaphungbing ngacheehaira; Vare makatheibing nganukhaira: “Ithumwui ngachaili khipāna chuida khalei meili okthuirumshapra? Ithumwui ngachaili khipāna khamit makhavai meili okthuirumshapra?”

ISAIAH 66:24

“Kala athumna vāda ili ngakaikashe mibingwui kathingun chi ayangra; kaja athumwui kachai mathimara, athumwui mei mamitmara kala athum chi asā khavai saikorawui ningkakachaiya ngasāra.”

MATTHEW 25:41

“Chiwui thili awui uishong khaleibing chili ana hāngra, ‘Khonshi kahaibing, nathum iwui eina thuihaolu kala chipee eina awui kazingraobingwui vang ngarān kahai katang makhavai meifa chili vāulu;

MATTHEW 25:46

Kala athum katang makhavai tandipamli vāra, kha khamashungbingna katang makhavai kharingpamli vāra.”

MATTHEW 3:12

Awui pāngli yāmkok lei kala lanpumli khalei mā hurmathākhuida kapanga mā chi chumli kazipkhuira, kha ahikbing chi mashimitkapai meilungli riktāhaora.

MARK 9:43

Chiwui vang eina nawui pāngna nali morei sangasakakha, katattāhaolu; nawui vanga pāng khani kālaga kazeiram vāki kajile, pāng makāla katang makhavai kharingli kazang phamei.

MARK 9:45

Napheina nali morei sangasakakha, katattāhaolu; nawui vanga phei khani kālaga kazeiram horsangki kajile phei mareida katang makhavai kharingli kazang phamei.

MARK 9:48

chili athumli kashaia mathan chi kathi mavaimana kala meila khamit mavaimana.

2 THESSALONICANAO 1:9

Katang makhavai shongrān chi athumna samphangda Prohowui kala sāshap pangshapwui tekhamatei chili mazangmara.

PHONGKHAMI 14:10

Varewui malungkhavātwui drakhāra̱ mangra, khikha mamanātlakla malungkhavātwui tengkotli mangra. Athumli kathara kazingraobing eina Yaonao chiwui mangāli mei kala meiri eina rekharekra.

PHONGKHAMI 20:10

athumli mikhanama chipee chili rida sāyur eina minama marānli horsang kahai meiri eina kachuia meiwui ngayili horsanghaowa kala athumli chili ngashun ngayā katang mavaila rekharekra.

PHONGKHAMI 20:15

kala kachikathāwui aming kharingawui lairikli mazangthura̱-akha chikathā mili meiwui ngayi hili horsanghaowa.

PHONGKHAMI 21:8

Kha malungmakazanga, mashitkasanga, khamakhaoa, mi shaokathata, ngalā khangashāma, meoworkathema, meoma̱li khokharuma, kala kapikkazarra, athumwui apam chiya meiri eina chuida khalei meiwui ngayi china, chi thikakhane china.”