MARK 9:43 - Kathara Bible (BSI)

⁴³ Chiwui vang eina nawui pāngna nali morei sangasakakha, katattāhaolu; nawui vanga pāng khani kālaga kazeiram vāki kajile, pāng makāla katang makhavai kharingli kazang phamei.

MARK 9:43 Iomraidhean Croise

JOBWUI LAIRIK 20:13

kala ana chi sānhaida horhaingailala; kala akhamorlungli ngahomlala,

ISAIAH 1:31

Kala kapanga chi khara̱rong ngasāhaora, awui otsak meipā thāra; kala khanini chuirumda sāshimitmi khavai khipakha maleisamara.

JEREMIAH 4:4

Proho mingli nathum khalatta ahui rimshoklu, kala nathum wuklungwui ahuila rimshoklu, O Judahwui mibing kala Jerusalemnaobing; Iwui malungkathui mei thāda shokpaishina, kala chuida khipānakha mashimitrarpaishina, nathumwui makaphā kasāwui vang.”

MATTHEW 17:27

Chithālala athum malungmavāt khavai shamadruli vālaga khaisui akha ahorsanglu, nana samphangkhare khai chi khuilaga khamor phākkhayang tharan shekel akha samphangra; chi khuilaga iwui eina nawui chi shānmihaolu.”

MATTHEW 25:41

“Chiwui thili awui uishong khaleibing chili ana hāngra, ‘Khonshi kahaibing, nathum iwui eina thuihaolu kala chipee eina awui kazingraobingwui vang ngarān kahai katang makhavai meifa chili vāulu;

MATTHEW 3:12

Awui pāngli yāmkok lei kala lanpumli khalei mā hurmathākhuida kapanga mā chi chumli kazipkhuira, kha ahikbing chi mashimitkapai meilungli riktāhaora.

MATTHEW 5:22

Kha ina nathumli kahāngna, kachikathāna khi ngalangkha maleila achināli malungvātakha ali bichar sāphalungra. Kachikathāna achināli yomtui matuiakha ali hanga̱shimli khuikāra kala kachikathāna ‘Makānkhana mangkhama̱ mi!’ da phorakha meifali horsangra.

MARK 9:44

Chile athumwui mathan kathi mavaimana kala meila khamit mavaimana.

LUKE 14:13

Kha nana phākachizāt tharan kathai kachāmbing, khangazanbing, pheikatekbing, khangapeobingli holu.

LUKE 14:21

“Chieina rao china latungda ali kahāng saikora chi awui akhavāli unghāngsera. Pao kashā eina shimva̱ malungvātlakhaowa. Chieina araoli hānga, ‘Thakta keinungwui shongrei-shongrāli vāda kachāmbing, khangazanbing, khangapeobing kala katekabingli ahokhuilu.’

LUKE 3:17

Lanpumwui mā chi heikhui khavai kala kapanga mā chi kazipkhuida chumli haikhavai yāmkok chi awui pāngli lei, kha ana ahikbing chi masāshimitkapai meilungli chithothaora.”

ROMNAO 8:13

Kaja nathumna phasāwui athishurda ringakha nathum thira. Kha Manglāwui mangā eina phasāwui otsak chi chithithaiakha ringra.

1 CORINTHNAO 9:27

Mi kateili khangahān chili rāzang khavai ngahot kahaia ili makhalanshokhai khavai ina iwui phasā hi makang ngasaka.

GALATIANAO 5:24

Jishu Khristawui ngasa kahaibing chiya mikumowui khangachā khamathang kala ningkachāng saikora chi chithithaira.

COLOSSIANAO 3:5

Chiwui vang eina nathumna okathui phasāwui ningkachāng kaja, sopkhamasap, makathar, khamathang-khamarang, makaphāli ningkachāng kala kākharām (kaja kākharām hi meoma̱li khokharum kathāna) hikathāthā hi chithitphalungra.

TITUS 2:12

Lukhamashan china ithumli Vare makathei mirin kala okathuiwui khamathang horngasakhailaga khalatta khangarin mirin, mashungrik eina kala Vareli theida okathui hili okthui khavai tamchitheimi.

HEBREWNAO 12:1

Chiwui vang eina ithumwui vanga kuimareida khayanga shākhi kachungkha leihaoda, hapkakhano saikora kala ngathānshang ngathāntā da khalei morei chi hortāhailaga ithumwui shongzā khangakhui chili makhunlak eina zatsa.

1 PETER 2:1

Chieina nathum khalatta makaphā-makhayā chi horhaolu. Makapikluialu, maphārekalu, mayuishialu kala kaphor tui mamatuialu.