MARK 9:42 - Kathara Bible (BSI)

⁴² “Ili shitkasanga kateoa akhali morei sakhangasakpa chili lungriham ngachāmihailaga shamadruli horsang kahaina awui vang phamei.

MARK 9:42 Iomraidhean Croise

MATTHEW 17:27

Chithālala athum malungmavāt khavai shamadruli vālaga khaisui akha ahorsanglu, nana samphangkhare khai chi khuilaga khamor phākkhayang tharan shekel akha samphangra; chi khuilaga iwui eina nawui chi shānmihaolu.”

MATTHEW 18:10

“Naoshinao kateowa akhalila ningachai kahai masaalu, khikhalajila nathumli kahāng hina kaja athumwui kazingraobingna kazingramli khaleia Ishāvawui mai theichingda lei.

MATTHEW 18:6

“Kha kachikathāna ili shitkasanga kateowa naoshinao akhali morei sāngasakakha chikathā mili lungriham kahaka akha akahungli hokthangmihailaga kathuka shamadruli hikthat ngasak kahaina phāmei.

OTSAK 9:4

Chieina ana ngaleili saosanghaowa, kala ali kaho akhon akha shai, “Saul, Saul, khiwui vang eina nana ili rekharekhaokhala?”

ROMNAO 14:13

Chithākha ithum akhana akhawuitungli bichar masā ngarokluisa. Kha achinā akhali phei mangaphok khavai lah moreili matāzang khavai sāthusa.

ROMNAO 15:21

Hithada kapihaida lei: “Awui pongli mahāngchitheirang kajebingna theira, mashārang kajebingna theishingkhuira.”

ROMNAO 16:17

Ivānaongarā, ina pokhangai hina, sākakhayāngbingli kala nathumli tamchithei kahai chi mashurla khangatei tamchitheida shitkasang mashongachei ngasakta khalei mibing chili ningngasharlu. Athumli mangasoalu.

2 CORINTHNAO 6:3

Ithumwui otram khangatha̱li khayon malei khavai khipākhawui shongfali hapkakhano masāmana.

PHILIPPINAO 1:10

Chithada sāda nathumna phameikap kaje chi kapangkhuishapra kala Khristawui Zimiksholi makathar kala mina kaphen saikora maleisāmara.

1 TIMOTHY 5:14

Chiwui vang eina lārongpongbingna fathuida naola pharālaga shimkhurli kachingda ithumwui yangkashebingna ithumli khamashāt maleikhavai kasā phāmei.

2 PETER 2:2

Mi kachungkhana athumwui sokhamasap chili shurra kala athumwui otsak chiwui vang khamashung shongfa chilila mashātra.