MARK 9:25 - Kathara Bible (BSI)

²⁵ Jishuna yarui ashangva̱ chi athumwuili yongkharā chi theida, ana makathar mangla chili khararda hānga, “Khangasha̱a kala khangakhoka manglā, ina kakasona, awui eina shokulu kala ali marāzangluilakalu.”

MARK 9:25 Iomraidhean Croise

ZECHARIAH 3:2

Kala Prohona Satanli hānga, “Prohona nali hangkhamachinna, O Satan! Jerusalem kapangkakhuia Proho china hangkhamachinna; hi mei chuida khalei eina sutkakhui meira̱hun maningmala?”

MATTHEW 12:22

Chiwui thili kameo zangda mik ngapeo kahai kala khak ngasha̱ kahai mi akhali Jishuwuili khuirai kala ana ali raimi. Chieina mipā chi matuipaihaowa kala theihaowa.

MATTHEW 17:18

Jishuna kameo chili kakaso eina kameo chi shokhaowa kala naoshinaopā chi ngalāngda raihaowa.

MARK 9:15

Hengsāda athum katongana Jishuli theida matakhakhai kala athumna ngasamvāda ali vāngarokkhui.

MARK 9:24

Avāva̱ china hengsāda chapta hānga, “Ina shitsanga, iwui mashitsangkasangwui vang ngachonmilu.”

MARK 9:26

Kala panglak eina chapta ali khanukazamhailaga shokhaowa, kala nao chi kathi angun thāhaowa; chieina athum kachungana, “A thihaira” da hānga.

LUKE 11:14

Chiwui thili Jishuna khak khangasha̱ kameo akha kashamshokmida leisai, kala kameo china shokkahai eina mipā chi tui matuipaihaida mibing chi matakhakhaowa.

LUKE 4:35

Kha Jishuna makathar manglā chili kaharda hānga, “Akhon mashoklu, awui eina shokhaolu.” Makaphā manglā china ali horkarsanghailaga zakkashi khikha masāla awui eina shokhaowa.

LUKE 4:41

Mi kachungkhawui eina chipeebing china “Na Varewui naomayarana” da panglāk eina vaolaga yāmshoka. Kha ana athumli khararda tuila mamatui ngasakmana, khiwui vangkhala kaja athumna a Khrista china da theihaowa.

LUKE 8:29

Kaja ana makathar manglā chili mipa chiwui eina shokhaolu da kasohairasai. (Kaja china tarākhashida ali singhaoda ali khamayon mila phāsanga, marikhānghui einala khalapa kala zurthing einala narhai, kha khalap kahai saikora nganurshatlaga kameo china ali lamhāngli kashamvāhaowa.)

LUKE 9:42

Naoshinaopā china zatrāmahunglakha kameo china ali ngaleili horkarsanghaowa. Kha Jishuna raih chili shokthui khavai kasoi, chieina naoshinaopā chi raihaoda avāva̱li mihaowa.

OTSAK 16:18

Tui hi ana thangkachida hāngchingda, chieina Paulna ningrākhaida ngareiunglaga sha̱ chili hānga, “Jishu Khristawui ming singda ina nali sha̱nao chiwui eina shokhaolu da kakasona!” Chichangli sha̱ chi awui eina shokhaowa.

JUDE 1:9

Kathāna kazingrao Michael eina tangda chithada masāmana. Moseswui phasā khipāna khuirakhala da khangaphat tharan Michaelna chipeeli kazei tui eina makaharmana; kha hithada hānga, “Prohona nali hāngmachinra.”