MARK 9:22 - Kathara Bible (BSI)

²² Kameo china ali shimān khavai kala thikhavai meilunglila, tara̱lunglila tarākhashida horsanghaira, khikhikha sāmipaiakha lumashanmida ishili khangachonmilu.”

MARK 9:22 Iomraidhean Croise

MATTHEW 14:31

Jishuna ngalāngda apāng katingvālaga ali yonkhuida hānga, “He shitkasang kateowa mi, khisāda ningmaongkhala?”

MATTHEW 17:15

“Ojā, inaomayarali khalumashanmilu, kaja a zingmeirai kakazā mina kala zakshilak eina kazāda meilila, tara̱lila tāzangzang jichinghaowa.

MATTHEW 20:34

Chieina Jishuna lukhamashan eina aniwui mikli sāza̱ya kala ngalāngda mik kathei samphangda anina athi shurthuihaowa.

MATTHEW 8:2

Kala yanglu, phārrei kakazā mi akha rāda awui mangāli khuktizangda hānga, “Proho, nana tharmiga jiakha ili tharmishapa.”

MATTHEW 9:28

Jishuna shimlungli zangkahai tharan khangapeo khani chi awuili rai, kala Jishuna anili ngahāna, “Ina nanili raimishapra da nani shitsanglā?” “Mha, amei!” da anina ngahānkai.

MARK 5:19

Kha Jishuna mamayathuwa, kala ali “Nashi shimli ungulu kala Prohona nawui vang kayākha sāmihaira kala kayākha lumashanmikhala kaji athumli unghāngchitheilu” da hānga.

MARK 9:21

“Hithada kakazā hi karankhahaira?” da Jishuna avāva̱ chili ngahānna. “Nganuilakhawui eina kazāphalunga.

MARK 9:23

Jishuna ali hānga, “Samipaiakha kajila? Shitkasanga awui vanga ot saikora sapaisera.”

LUKE 7:13

Prohona ali kathei eina lumashanhaida “Machapalu” da hānga.