MARK 9:19 - Kathara Bible (BSI)

¹⁹ Chieina ana athumli ngahānkai, “O shitkasang makhalei thot, ina nathumli karankha ngasopamfarakhala kala samifarakhala? Iwuili khuirālu.”

MARK 9:19 Iomraidhean Croise

LAA 78:22

khikhalajila athumna Vareli shitkasang maleithuwa, kala awui huikhami pangshapli mashitsangthuwa.

MISHĀN 14:11

Prohona Mosesli hānga, “Miyur hina karankha ili makhuisangmarakhala? Kala athumwui alungli matakhak kahai ot ina kachungkha sāchitheihailala athumna karankhawui vang ili mashitsangmarakhala?

MISHĀN 14:22

iwui tekhamatei kala khudam Egyptli kala lamhāngli ina chithei kahai chi theilala ili tharā shida chāng yangda kala iwui tui manganāsang thuda,

MISHĀN 14:27

“Karankha makhayā yarui ashangva̱ hina iwuitungli ngurngur matuira? Israel mibingna iwuitungli ngurngur khamatui saikora ina shāhaira.

MATTHEW 17:17

Chieina Jishuna ngahānkai, “He shitkasang makhaleia ngakaikashe thot, ina nathumli karankha ngasopamfara? Ina nathumli karankha ja̱mifarakhala? Ali iwuili khuirālu.”

MARK 16:14

Naomeikapta athum tharāda akha chi phazā mahunglakha Jishu rai; ana athumwui mashitkasang kala ning khamakangwui vang, kaja a ringshok kahaiwui thili ali katheibingwui tuili mashitkasangwui vang khararra.

MARK 9:18

kameo china nganurhaiakha nao chi ngaleili saosangda aporhop tarārā shoklaga ahāla kajetta phasāla mararshaphaowa; chiwui vang nawui sākhangatha̱bingli kashamshokmi khavai kahāng tharan athum masāmirarthuwa.”

MARK 9:20

Athumna nao chi awuili khuirai; kala kameo china Jishuli theikhaleoda naoshinaopā chili nganurkazama kala ngaleili saosangda ngaleokazamlaga khamorli aporhop hiyaya shoka.

LUKE 24:25

Chieina Jishuna anili hānga, “O mangkhama̱ khani! Marānbingna hāngkahai saikora chili mashitkasang!

LUKE 9:41

Jishuna ngahānkai, “He shitkasang makhaleia kala mashongachei kahai mithot, ina nathumli karankha ngasopamfara kala ja̱mifarakhala? Nawui nao chi hili khuirālu.”

JOHN 12:27

“Ara imanglā khananglakhaira, ina khi hāngra? ‘Avā, ili kakanmilu’ jirala? Maningmana, kharin hiwui vang I atam hili kharāna.

JOHN 20:27

Kala Thomasli hānga, “Napāngmareng hili rāhailu, kala ipāngli yanglu, napāng katingrāda iwui arili khamāyanglu. Ning khamaong masaalu, kha shitsanglu.”

KHALATLUI 32:20

Kala Prohona hānga, ‘ina athumli mayangsangmiluimara, athumwui akatang kathanikhala ina yangra, kaja athum hiya makhamashunga thotna, shitkasang katong makhaleiya naongarābingna.