MARK 9:1 - Kathara Bible (BSI)

¹ Ana athumli hānga, “Kachangkhat eina ina nathumli kahāngna, Varewui wungram china pangshap eina ngasoda kharā matheiranglakha kathi mamazapki kaji mi kaikha hili nganingda lei.”

MARK 9:1 Iomraidhean Croise

MATTHEW 16:28

Ina nathumli kachangkhat kahāngna, miwui Naomayarana awui wungramli kharā matheiranglakha kathi mamazapki kaji mi kaikha hili nganingda lei.”

MATTHEW 24:30

chiwui thili kazingramli miwui Naomayarawui machut chi theira; kala okathuili khalei miyur saikorana chapra, kala miwui Naomayarana pangshap kala tekmateilak eina muiyātungli tongda kharā theira;

MATTHEW 25:31

“Miwui naomayarana awui tekhamatei eina kazingraobingli ngasoda kharā tharan, Ishameina awui tekhamatei wungpamkhongli pamra.

MARK 13:26

Chiwui thili miwui Naomayarana hakkhamahā pangshap kala tekhamatei eina ngasoda muiyālungli kharā nathumna theira.

MARK 13:30

Kachangkhat eina ina nathumli kahāngna, ot saikora hi mashokranglakha thot hi makānthuimara.

LUKE 2:26

Prohowui Khrista chi matheiranglakha eina tangda a mathimara da Manglā Katharana phongmihairasai.

LUKE 22:18

kaja ina nathumli kahāngna, chiya aruiwui eina thuida Vare wungram marāranglakha eina tangda ina drakhāra̱ mamangluimara.”

LUKE 22:30

Chiya nathumna iwui wungramli phāshak-phazāpamra kala wungpamkhongli pamlaga Israelwui shang tharāda khaniwuitungli nathumna mungra.”

LUKE 9:27

Kha ina nathumli kachangkhat eina kahāngna, Vare wungram chi matheiranglakha mathifaki kaji mi kaikha hili nganingda lei.”

JOHN 21:23

Chieina sākhangatha̱pa hi mathimara da Jishuwui kashurabingwui ngachaili pao hi ngayaohaowa; thalala Jishuna chi kahāng maningmana; ana kahāngva, “I mararanglakha eina tangda ina ali ringsā ngasakngaiakha, nali china khi sara̱khala?” kajina.

HEBREWNAO 2:9

Kha Varewui lukhamashan mangā eina mi kachiva̱wui vang thimiki kaje atam kasha̱khawui vang kazingraoli nemmeida sākahai Jishuli ithumna thei. Kathiwui kachotkachāng phungkhamiwui vang tekhamatei kala khayākakā eina kuihon sāda ngahonmi kahai chi ithumwui mik eina thei.