MARK 8:6 - Kathara Bible (BSI)

⁶ Chieina Jishuna mi saikora chili pamzanglu da kasoi, kala khamui shini chi khuida Vareli ningkashi mi kala serkhailaga yaruili yaokhavai awui sākhangatha̱bingli mi; athumna yaruili yaowa.

MARK 8:6 Iomraidhean Croise

MATTHEW 26:26

Athum phazāmahunglakha Jishuna khamui khuida ningkashiwui seihā sāhailaga khamui chi serkhaida athumli mida hānga, “Khuilu, shailu, hi iwui asāna.”

MARK 8:20

“Kala mi thingmatiwui vang ina khamui shini serkhaida mishaithang shaitai luk kayākha nathumna kazipkhuikhala?” da Jishuna ngahānna. Athumna “Shinina” da hānga.

MARK 8:5

Jishuna athumli ngahāna, “Nathumwuili khamui kayākha leikhala?” Athumna ngahānkai, “Shini lei.”

MARK 8:7

Athumwuili khaihla kateokha leisai; Jishuna chiwui vang Vareli ningkashi milaga yaruili yaokhavai mi.

LUKE 12:37

Akhavāna latkhaung tharan ningkharikta honpamkasā raobing ka̱lā mahai; kachangkhat ina nathumli kahāngna, ana shāneira̱ neikhuilaga athumli tableli pamngasakra, kala rāda sheba samira.

LUKE 24:30

Phazāuki kaji eina ana khamui khuida seihā sālaga serkhaida ngayarmi,

JOHN 2:5

Chieina ava̱va̱na raobing chili hānga, “Ana kahahāng chi sālu.”

JOHN 6:23

Chitharan Tiberiaswui eina kharā marikhongbing chi, Prohona seihā sālaga mi kachungkhali khamui mikashai apam chiwui ngalemli rāngasāma.

ROMNAO 14:6

Kachikathā mina kachikathā zimiksho akhali saklak eina kaphaning chi Proholi khayākashina, kaja kachikathāna shaiser kaji chi Proholi khayākashiwui vangna, khikhalajila ana kashakazāwui vang Vareli ningkashi mi. Kachikathāna mashai-mashakphāphā kajila Proholi khayākashiwui vangna, anala Vareli ningkashi mi.

COLOSSIANAO 3:17

Kala nathumna ot kasāli nilala, tui khamatuili nilala Avā Vareli ningkashi mida otsak kachiva̱li Proho Jishuwui ming eina sālu.

1 SAMUEL 9:13

Ana phazā khavai kaphung kajuili makāranglakha, nanina keinung lungli zangkhaleoda ali samphanghaora; kaja pha̱kaphayā hili ana somiki jihaoda, ana masomiranglakha khipākha mazāmara; chiwui thili horākahaibing saikora zānaora. Kaulu, samphangngalanghaora” da athumna hāngmi.