MARK 8:34 - Kathara Bible (BSI)

³⁴ Kala ana yarui chi awui sākhangatha̱bingli ngasoda hokhuida hānga, “Kachikathā mina ithi shurga jiakha, a khalattawui ningkachāng horhailaga awui krush phungda ithi shurranu.

MARK 8:34 Iomraidhean Croise

1 WUNGNAOBING 14:8

kala Davidwui wungram eina ngakaikhuida nali mihaira; chithālala iwui rao Davidwui thāda nana iwui ningkhami mamayonmana, kala ningtongda iwui thi mashurmana, kala mashun chi masāmana,

MISHĀN 14:24

Kha iwui rao Calebna ngateihang kahai ning leida ili shurchao kajiwui vang, ana ayang kahai ngalei chili ina zangngasakra, kala awui ara̱-azāna ngalei chi samphangra.

MATTHEW 10:38

kachikathāna awui krush makhuiphungla iwui thishurakha a iwui vang makanāmana.

MATTHEW 16:24

Chiwui thili Jishuna awui sākhangatha̱bingli hānga, “Kachikathāna ithi shurga jiakha, khalattali malaihailaga, awui krush phungda ithi shurranu.

MATTHEW 27:32

Athumna zatkhavā tharan Cyrenewui eina Simon kaho mayarnao akha samphanga, chieina shipaibingna ali Jishuwui krush ngava̱ khavai tandi sai.

MARK 10:21

Jishuna ali yangtitlaga leishida hānga, “Nawui khavāt akha lei; ungulu kala nawui khalalei saikora ungyorhailaga kachāmabingli mihaolu, chithākha kazingramli nawui lan kaziphaira; kala rāda ithi shurlu.”

MARK 7:14

Chieina Jishuna mibingli hokhuiluishitlaga athumli, “Nathum saikora nganālu kala theishingkhuilu.

LUKE 13:24

“Nathumna khamasha̱ khamong eina zangkhavai hotnālu, khiwui vangkhala kaja mi kachungkhana chili zangkhavai hotnāra kha mazangrarmara.

LUKE 14:33

Chithada sāda kachikathāna awui khalalei saikora mahorhairarakha iwui sākhangatha̱ masāpaimana.

LUKE 18:22

Jishuna chi kashā eina ali hānga, “Nawui khavāt akha leifaya. Nawui khalalei saikora yorhailaga kachāmnaoli yaohaolu, chithākha kazingramli nawui lan leira, laga rālu, ithi shurlu.”

LUKE 20:45

Mibing saikorana nganāmahungda leilakha sākhangatha̱bingli hānga,

LUKE 9:23

Ana saikorali hānglui, “Kachikathā mina iwui thi shurga jiakha akhalattawui ningkachāng horhaida awui krush phungda ithi shurranu.

JOHN 10:27

Iwui yaobingna iwui akhon shai; ina athumli thei, kala athumna ili shura.

JOHN 19:17

kala awui krush phungda Mikuira̱ kaho apam chili vai, chi Hebrew tuili Golgotha hoi.

OTSAK 14:22

Anina shitkasangabingli pangsang ngasaka kala khamashunga shitkasang chili mangacheilakla leiching khavai kasatsanga, kala “Vare wungramli zangkida ithumna kachotkachāng kachungkha phungphalungra” da tamchithei.

ROMNAO 6:6

Ithumna thei kaja morei sākhangaiwui khangachā chi shimān khavai kachama khangachā chi Khristali ngasoda krushtungli thingasakhaira. Chieina ithum ara moreiwui rao masāluimana,

ROMNAO 8:17

Ithum Varewui naongarā sāhaogada, awui shimluikatbingna samphangrānwui sokhami chi samphangra kala ithum Khristawui kachotkachāng phungrumakha tekhamatei yar chila samphangrumra.

1 CORINTHNAO 15:31

Ivānaobing, I thangkachida kathili ngasungchinga. Proho Jishu Khristali ngarumhaoda nathumwui vang ina lāngsongaida hāngkaphatna.

1 CORINTHNAO 8:13

Avānao akha nguikhavai leili jiakha ali morei masākhavai ina sā chi mashaiphalungmara.

1 CORINTHNAO 9:19

I khipākhawui rao maningla ningkhān mina, kha mi kachungkha yuikhuipai khavai I khalatta mi saikorawui rao sai.

GALATIANAO 2:20

chieina ringda khalei hi I maningluimana, kha Khristana ili kharingna. Arui ina ringda khalei hi Varewui Naomayara ili leishida amanglā chihokhame chili shitkasang mangā eina kharingna.

GALATIANAO 5:24

Jishu Khristawui ngasa kahaibing chiya mikumowui khangachā khamathang kala ningkachāng saikora chi chithithaira.

GALATIANAO 6:14

Iwui vanga, ithumwui Proho Jishu Khristawui krush maningla lāngso khavai maleimana, kaja krushwui vang eina okathui hi iwui vanga khikha masāvaimana kala okathuiwui vang ila khikha masāvaimana.

PHILIPPINAO 3:10

Ina ningkachāng chiya Khristali kathei, awui ringkhalui pangshap mazapkhayang, awui kachotkachāng phungkhangarum kala awui kathi thada kathi,

PHILIPPINAO 3:7

Kha ina tongkazāna da phaningkasā chi ara Khristawui vang eina kashimānna da theikhuihaira.

COLOSSIANAO 1:24

Ara ina nathumwui vang kachotkachāng samkaphang hi ringphai, kaja Khristana awui phasā, kaja churchwui vang kachotkachāng maphungkhangakan chi kāpei khavai ina iwui phasāli kachotkachāng phungda khalei hina ngachonmida lei.

COLOSSIANAO 3:5

Chiwui vang eina nathumna okathui phasāwui ningkachāng kaja, sopkhamasap, makathar, khamathang-khamarang, makaphāli ningkachāng kala kākharām (kaja kākharām hi meoma̱li khokharum kathāna) hikathāthā hi chithitphalungra.

2 THESSALONICANAO 3:11

Khikhalajila nathumwui ngachaili mi kaikha ngachāng makāmada miwui ot kasāli hapkhanolak eina okthuida lei kaji pao shai.

TITUS 2:12

Lukhamashan china ithumli Vare makathei mirin kala okathuiwui khamathang horngasakhailaga khalatta khangarin mirin, mashungrik eina kala Vareli theida okathui hili okthui khavai tamchitheimi.

HEBREWNAO 13:13

Chiwui vang eina ithumla keinungwui ayarli vāda awui kakhayak chi phungrumsa.

1 PETER 4:1

Khristana kachotkachāng phunghaokada nathumla Khristawui kaphaning thada phaning khavai ngarānlu. Khiwui vangkhala jilaga phasāli kachotkachāng samphang kahaibing moreili mazangluimana.

1 PETER 4:13

Kha Khristawui kachotkachāng phungkhangarumana da ringphālu. Chithada sāda awui tekhamatei chi phongshokthanghon nathum ringkaphāna pemtinghaora.

2 PETER 1:14

Kaja ithumwui Proho Jishu Khristana chitheikhami athishurda I ara masāngluila okathuiwui eina kānthuihaora.

1 JOHN 3:16

Chithada sāda leikashi hi khikhala da chiwui eina ithumna theikhuipai; Khristana ithumwui vang amanglā chihomi. Chiwui vang eina avānaobingwui vang ithumnala manglā chihomi phalungki kajina.

PHONGKHAMI 2:10

Nathum khanangki kaji khikhikhawui vang mangangalu. Yanglu nathumli chāng tamyang khavai chipeena kaikhali phātop sangra; kala tharāthangwui vang kakhanang samphangra. Kathi eina tangda ili shitsangmalu; Ina kharingawui kuihon mira.