MARK 8:15 - Kathara Bible (BSI)

¹⁵ Jishuna athumli “Ning ngasharda khuiphunglu, Pharisee eina Herodwui khawok chili ngasharlu kala mangarumhaialu.” da hānga.

MARK 8:15 Iomraidhean Croise

1 THOTRINCHĀN 28:20

Chiwui thili Davidna anaomayara Solomonli hānga, “Lungsanmeilu kala pingmeida sālu. Mangacheealu, makhanangalu; kaja Proho iwui Varena nali ngasomida lei. Prohowui shim kasā hi makupranglakha eina tangda ana nali horkahai masālakmara.

CHĀNSAM 19:27

Inaomayara nana tamkakhui ngasāmhaiakha, tamkhui kahai saikora yanglāhaora.

PĀNGMONSHI 2:11

Proholi nana kachigat khuikharā tharāzāt chili khawok mazangpaimana, kaja Proholi kachigat mei eina rikkatāli khawok nilala, khuira̱ nilala mariktāpaimana.

MATTHEW 14:1

Atam chitharan khamunga Herodna Jishuwui mingzat chi shai;

MATTHEW 14:3

Kaja Herodna agato Philipwui apreiva̱ Herodiaswui vang eina Johnli tukkhuida khalaphailaga phātopli sanghaisai;

MATTHEW 14:6

Kha Herodwui kapharā ungshungthang Herodiaswui naongalāva̱na yarui mangāli pheichak sai kala Herod penlakhaowa;

MATTHEW 16:6

Jishuna athumli hānga, “Phariseebing eina Sadduceebingwui khawok chili ningngasharlu.”

MARK 12:13

Athumna Jishuwui tuimatui eina khayon tukkhui khavai Pharisee eina Herodwui mi kaikha chihovai.

MARK 8:14

Sakhangatha̱bingna athumwui khamui malaihaida makhuiphungthuwa; marikhong chili athum khamuihāng akhamāng leisai.

MARK 8:16

Athum akha eina akha ngazek ngarokta “Ithum khamui maleimana” da hānga.

LUKE 12:15

Chieina ana athumli hānglui. “Ningkhariklu kala khangamarli ningngasharlu; kaja mikumo akhawui mirin hi awui lan tarākha khalei chili khalei maningmana.”

1 TIMOTHY 5:21

Mimai mayangalu, ngahānkhangai masāla, tuibing hi mayon khavai Varewui, Khrista Jishu kala kazingraobingwui miktāli ina kakasona.

1 TIMOTHY 6:13

Ot saikorali kharing mirinkhame Vare kala Pontius Pilatewui mangāli mashungrik eina shitkasang hāngkaphatwui shākhi khame Jishu Khristawui mangāli

2 TIMOTHY 2:14

Prohowui mangāli makankhanā tui mangayāt ngarok khavai athumli phaningung ngasaklu kala hāngmachinlu. Chiwui kaphā khikha maleimana, kha khanganābingli shimān ngasaka.