MARK 7:6 - Kathara Bible (BSI)

⁶ Ana athumli ngahānkai, “Marān Isaiahna phākakhaning nathumwui pongli mashungda marānmi, kaja hithada kapihaida lei: ‘Mibing hina ili morchai eina khayāshiya, kha athumwui ning iwui eina katava̱li lei;

MARK 7:6 Iomraidhean Croise

ISAIAH 29:13

Kala Prohona hānga, “Miyur hina khamor eina nganailaka, morchai eina ili khayāshiya; kha wuklunga iwui eina katāva̱li lei; athumna ili khangachee chiya mibingwui ningkhami eina tamkhui khamaronna.

EZEKIEL 33:31

Mibingwui thāda athumnala rai kala nana kahāng chi nganākhui, kha kasāva masāmana; khamorle leikashi tui kachungkha hānga, kha alungshonga khalatta tongzā khavaimāng sai.

JOHN 15:24

Khangateina masālakrang kaja ot chi athumwui mangāli masāchitheisāsi kaja athum moreili tātunghaira kaji matheisāmara; kha ara athumna iwui otsak theilaga ilila iwui Avālila ningkachaihaira.

JOHN 5:42

Kha nathumwui wuklungli Varewui leikashi maleimana kaji ina thei.

OTSAK 28:25

Chieina athum mamayā ngarokthuda Paulna tui hi hāngkahaiwui thili athum ngathānhaowa; “Manglā Katharana marān Isaiahwui mangā eina navā ngarāli hithada hānghaikasā chi mashunga!

2 TIMOTHY 3:5

Athumna akorli phārekta dharmarinwui otsak sālaga kachangkhat chiwui pangshapliva makhuisangmara.

TITUS 1:16

Athumna Vareli thei da hānga, kha athumwui otsakva chili mamayāmana. Athum hiya kaphā ot sākhavai matik makachā, yangkharingkapai kala kahāng makhanganābingna.