MARK 7:4 - Kathara Bible (BSI)

⁴ athumna leihngapha̱wui eina hankhaung tharan mara̱vairanglakha maphazāmana. Chili lāngmeida tengkot, khongphei kala mariham kathā kapheowui khangachāyan athumna khamayon tarākha lei.)

MARK 7:4 Iomraidhean Croise

LAA 26:6

Khayon makhalei theikhavai ipāng mazika, O Proho, nawui hanphutli kuimareizata,

ISAIAH 1:16

Nathum khalatta pheohaolu; nathum khalatta samathākhuilu; nathumna sāda khalei makaphā otsak chi imikwui eina khuithuihaolu; makaphā kasā thāhaolu.

JEREMIAH 35:5

Chiwui thili Rechabbingwui mangāli ina zamshamla kala khorāmla mathunlaga, “Zam manglu” da ina hānga.

JEREMIAH 4:14

O Jerusalem, nali huimi khavai makhayāwui eina wuklung pheomathālu. Karankha makaphā ning nawui wuklungli leifarakhala?

MATTHEW 23:25

“Ain kathemabing eina Phariseebing, phakakhaningabing! Nathumli kakhanang ringkashi ngasāranu, khikhalajila nathumna tengkot eina khongpheiwui ayar pheomathai, kha chiwui alungliya takzākakhui eina ngamarkakhui otna pemtinghai.

MATTHEW 23:26

Mik khangapeo Phariseebing! Rida tengkot eina khongpheiwui alung chi pheomathāhaifalu. Chithākha ayarla tharpaira.

MATTHEW 27:24

Hānglala makannāluimara, khangama̱ khangashao shok khavaina da Pilatena kathei eina, tara̱ khuilaga yaruiwui mangāli apāng mazikta hānga, “Mipā hili thikhangasak hili iwui pāng khikha mazangmana. Hiya nathumna sākakhuina.”

MARK 7:8

Nathumna Varewui ningkhami horhailaga, miwui khangachāyanli sakmeikhar mayonhaowa.”

JOHN 2:6

Apam chili Jihudiwui khangachā athishurda pheokhamatharli shichin khavai tara̱ liter shāshā kazanga ngankhā tharuk haisai.

JOHN 3:25

Chitharan Johnwui sākhangatha̱bing eina Jihudi akha dharmawui pheokhamatharwui pongli ngayāt khangarok shokka.

HEBREWNAO 9:10

khiwui vangkhala kaja hiya ra̱shakshirei kala sākhamatharwui sharphahormānga. Varewui khangarān kadhar marāranglakha sāsā khavai akorwui ainzāmanga. Khamayonmāng kasāwui vang Varewui khangarān kadhara marāranglakha shichinkasā akorwui ainmānga.

JAMES 4:8

Vareli nganailu, chithākha ana nathumli rānganaimira. Morei kaphungabing, nathumwui pāng maziklu. Phākakhaningbing, nathumwui wuklung tharngasaklu.

1 JOHN 1:7

Kha ana kahorli khalei thada— ithumna kahorli okthuiakha ithum akha eina akha ngarumsak lei, kala Anaomayara Jishuwui ashee china ithumli morei saikorawui eina tharmi.