MARK 7:26 - Kathara Bible (BSI)

²⁶ Preiva̱ chi Syrophonicianaona. Ana awui naongalāva̱wui eina raih chi kakashamshokmilu da poi.

MARK 7:26 Iomraidhean Croise

ISAIAH 49:12

Yanglu, iwui mibing katāva̱wui eina rāra, atung kala zingtunshongwui eina, kala hibing Syenne lamwui eina rāra.”

MATTHEW 15:22

Kala yanglu, ngalei chili kapāna Canaanwui sha̱nao akha awuili rāda, “He Amei, Davidwui Naomayara, ili khalumashanmilu; inao ngalāva̱li kameo zanghaida marlak eina kazāda leili.”

MATTHEW 4:24

Chithada sāda Syria ngalei saikorali awui mingzat chi ngayaovāserhaowa. Chieina athumna kazātyur ayāyāva̱ eina kakazā kala kazāda chotchāng kahai mibing, kameo kazangbing, zingmeirai kakazābing kala sheikasha̱bing awuili khuirai kala ana raimisera.

MARK 7:25

Anao ngalāva̱li makathar mangla kazanga preinao akhana Jishu rāhaira da kashā eina hengsāda vālaga awui pheizingli ngakhumshama.

MARK 7:27

Kala ana sha̱nao chili hānga, “Naoshinaobing rida thofaranu, kaja naoshinaobingwui zāt khuilaga fali hormi kahai mangachāmana.”

GALATIANAO 3:28

Chieina Jihudi eina Gentile, rao eina akhavā, sha̱nao eina mayarnao khangatei maleimana; Khrista Jishuli ngarumhaoda nathum akhamanga.

COLOSSIANAO 3:11

Hithada sāda Gentilebing eina Jihudibing, ahui rimkashok eina marimkashokbing, makākashunga Scythianaobing kala raonao eina ningkhān kahaibing khangatei maleiluimana, kha saikorali khalei Khrista hi tongtingana, Khrista saikorali lei.