MARK 6:2 - Kathara Bible (BSI)

² Kala Sabbaththang ana synagogueli tamchitheiphokuwa; kala awui tui nganākakhui mi kachungkhana matakhakhaida hāngngaroka, “Ana saikora hi kachili atamkhui khala? Ali mikahai hi khi thangmeikhala? Apāngna kayakha hakhamahā ot sashapkhala!

MARK 6:2 Iomraidhean Croise

MATTHEW 4:23

Jishuna Galileewui apam saikorali vāda athumwui synagogueli tamchithei, wungramwui Paokaphā hāshoka kala mibingwui kazāt ayāyāva̱ raimi.

MATTHEW 7:28

Jishuna hibing hi hāngser kahaiwui thili awui tamkachithei chi theilaga yarui saikora matakhakhaowa.

MARK 1:39

Ana Galileewui apam saikorali yaovai kala synagogueli pao hāshokta raihla kashamshokmi.

MARK 10:1

Kala ana apam chi chihohailaga Judea ngaleivāk vai kala Jordan kong kānvai, kala mi kachungkha awuili rakazipluiya, chieina ana awui khangachā thada athumli tamchithei.

LUKE 2:47

Awui theishingkakhui kala ngahānkakā kashā mi saikorana matakhakhai.

LUKE 4:15

Ana athumwui Synagogueli tamchithei kala mi saikorana ali soi.

JOHN 6:42

Chieina athumna hānga, “Mipa hi Josephwui naomayara maningmala? Ashi ava̱ eina avāva̱li ithum thei. Chithākha ana kathada kazingram eina katāna jikhala?”

JOHN 7:15

Jihudiwui akhavābingna matakhakhaida hānga, “Mipa hi lairik matamlakla kathada hiyākha theihaokhala?”