MARK 6:12 - Kathara Bible (BSI)

¹² Chieina athumna vāda ningngatei khavai pao hāshoka.

MARK 6:12 Iomraidhean Croise

EZEKIEL 18:30

“Chiwui vang eina, O Israel! nathum ava̱va̱li kachichāwui shongpong athishurda bichar sāra da Proho VAREna hānga. Ning ngateida nathum morei saikorawui eina latunglu, chi maningakha khayon chi eina shimānra.

MATTHEW 11:1

Jishuna awui sākhangatha̱ tharāda khanili hāngchitheihailaga, ana athumwui keinungbingli tamchithei khavai kala pao hāshok khavai apam chiwui eina zatthuwa.

MATTHEW 11:20

Chiwui thili Jishuna matakhak kahai ot tarākha sākahai keinungbing china moreiwui eina ning mangateila ningmaongtong kahaiwui vang ana saklak eina kahara;

MATTHEW 3:2

“Ningngateilu, kaja kazing wungram nganaishunhaira.”

MATTHEW 3:8

Nathum khalatta ningngateichaohaira kaji otsak eina chitheilu,

MATTHEW 4:17

Atam chiwui eina thuida Jishuna pao hāshokphokta hānga, “Ningngateilu, kaja kazing wungram nganaishunhaira.”

MATTHEW 9:13

Vālu laga ‘Ina kachigat maningchāngmana kha lukhamashan ningkachāngna’ da kahāngwui kakhalat khikhala kaji angahānkhuilu. Kaja ina khamashung khangarongbingli hokhui khavai kharā maningmana kha morei kaphungbingli hokhui khavai kharāna.”

MARK 1:15

“Retkahai atam chi rāhaira, kala Varewui wungram nganaishunhaira. Ningngateilu kala paokaphā chili shitsanglu.”

MARK 1:3

Kachikathāna lamhāngli vaozatta lei: Prohowui shongfa ngarānlu; awui apong ngatar ngasaklu.”

LUKE 11:32

Ninevehwui mibingna thot hili ngasoda bichar sāthanghon anganingrumda athumli khayon mira; kaja athumna Jonahna paokhamathā hākashok chi khuisangda ningkhangatei samphanga, kala yanglu, Jonahli reikhameia akha hili leili.

LUKE 13:3

Maningphutmana! Ina nathumli kahāngna, nathumla ning mangateiakha chithada shimānra.

LUKE 13:5

Maningphutmana! Ina kahāngna kaja nathumla ning mangateiakha chithada shimānra.”

LUKE 15:10

Chithada sāda ina nathumli kahāngna, morei kaphunga akhana ning khangatei chitharan Varewui kazingraobingna ringphā mathāna.”

LUKE 15:7

Chithada sāda ina nathumli kahāngna, ning ngatei khavai makhalei khamashung khangaronga mi hangchikoda chikoli ngasokapamliva morei kaphunga mi akhana ning khangatei china kazingramli mathānmeikharra.

LUKE 24:47

Kala awui ming singda nathumna Jerusalem eina thuida miyur saikorali ningngateida morei pheokhavai pao hāshokra.

LUKE 9:6

Chieina athumna zatuwa kala khavāvā kha̱ kachiva̱li paokaphāla hāshoka kala kakazāla raimi.

OTSAK 11:18

Athumna hi kashā eina athumwui khayetla thāhaowa kala athumna Vareli masotchitkatta hānga, “Chithākha Gentilela ningngateikhuida kharing samphang khavai Varena mayāmihaira.”

OTSAK 2:38

Chieina Peterna hānga, “Ning ngateihaolu, kala nathumwui morei pheomi khavai Jishu Khristawui ming singda nathum kachiva̱ ra̱hikhaolu, chithākha Manglā Katharawui lemmet chi nathumna samphangra.

OTSAK 20:21

Jihudinaobing eina Gentilenaobing moreiwui eina ningngateida Varewuili latung khavai kala ithumwui Proho Jishuli shitsang khavai ina ngaraichā eina hāngmachinmi.

OTSAK 26:20

Rimeikapta Damascusli khalei, chiwui thili Jerusalemli khalei kala Judeali khalei saikora kala Gentilebingli, moreiwui eina ning ngateida Vareli latunglu kala ning ngateihaira kaji otsak eina chitheiphalungra da ina pao hāshoka.

OTSAK 3:19

Chiwui vang eina nathumwui morei pheomipai khavai mai ngareiungda ningngateilu.