MARK 5:7 - Kathara Bible (BSI)

⁷ kala panglāk eina vaoda hānga, “Reikhamataiya Varewui Naomayara Jishu, nana ili khi sāki kajikhala? Varewui mingli kapona kaja ili marekharekmialu.”

MARK 5:7 Iomraidhean Croise

HAOKAPHOK 3:15

Ina sha̱nao naniwui ngachaili kala nawui athei eina awui atheiwui ngachaili yangshi khangarok leingasakra; ana nakui naikhaira, kala nana aphei maja̱li makeira.”

1 WUNGNAOBING 22:16

Kha awungana hānga, “Prohowui mingli khamashung tui hāngmilu da ina nali kayākhashida hāngrakhala?”

HOSEA 14:8

O Ephraim, meoma̱bingli ina khi sārakhala? nathumli ngahānkakaa kala yangkhame chi ina. Iya matekchim kahai cypressrong kathāna, nawui athei iwui eina kharāna.

MATTHEW 16:16

Simon Peterna ngahānkai, “Na Khrista, kharinga Varivarawui Naomayara china.”

MATTHEW 26:63

Kha Jishuna khikha mangahānkāla kasainakha pamhaowa. Chieina pāngmon kharei china ali hāngluishita, “Ina kharinga Vareli mingzaida kahāngna: na Varewui Naomayara, Khrista china jiakha ithumli hānglu.”

MATTHEW 4:3

Chieina chipeena ali rāsuida hānga, “Na Varewui Naomayarana jiakha ngalunggui hi khamui onkhavai kasolu.”

MATTHEW 8:29

Jishuli samphangkhaleoda anina vaoda hānga, “He Varewui Naomayara, inili nana khi sāki kajikhala? Atam maungshungranglakha nana inili rekharek khavai apam hili kharālā?”

MARK 1:24

Ana “Nazarethwui Jishu, nana ithumli khi sāki kajikhala? Ithumli shimān ngasak khavai kharāla? Na khipākhala da ina thei, na Varewui tharkhamathengana” da vaowa.

MARK 14:61

Kha Jishuna khikha mangahānkāla kasainakha pamhaowa. Chieina pāngmon kharei china ali ngahānlui, “Sokhame Varewui Naomayara Khrista chi nala?”

MARK 3:11

Kala makathar manglā kazangbingna ali kathathei apam kachida apheizingli ngakhumzangda “Na Varewui Naomayarana” da vaowa.

MARK 5:6

Ana Jishuli khālada kathei eina yongvāda akhoruma;

MARK 5:8

Kaja “Makathar manglā, mipa hiwui eina shokulu” da Jishuna hanghairasai.

LUKE 1:32

A kahaka ngasāra, kala juikhamataia Varewui Naomayara hora; Proho Varena avāva̱ Davidwui wungram chi ali mira,

LUKE 4:34

“He Nazarethwui Jishu! nana ithumli khi sāki kajikhala? Ithumli shimān ngasak khavai kharāla? Na khipākhala da ithumna thei; na Varewui Tharkhamathengpā china.”

LUKE 6:35

Kha nathumwui yangkashebingli leishilu, kapha sāmilu, kala khikhala samphangluira da machihānlakla chishutlu. Chithākha nathumwui sāman haklakra kala Juikhamataiya Varewui naongarā ngasāra. Kaja maningshikatheia kala makaphā athumlila ana lumashanmi.

LUKE 8:28

Ana Jishuli kathei eina vaolaga awui mangāchangli ngakhumshām eina panglāk eina hānga, “Reikhamataia Varewui Naomayara Jishu, nana ili khi sāki kajikhala? Ili marekharekmialu.”

JOHN 20:31

kha Jishu hi Varewui Naomayara, Khrista china da nathumna shitsang khavaiwui vang kala shitkasangda awui mingli kharing samphang khavai hibing hi kapi kahaina.

OTSAK 16:17

Ana Paul eina ithumwui thi shurda panglāk eina, “Huikhamiwui tuipong nathumli vaomalānkhame mibing hi Juikhamataiya Varewui raobingna” da vaopama.

OTSAK 19:13

Chieina yaoung yaovāda kazata Jihudi khanong kaikhana chipee kazangbingli Proho Jishuwui ming singda kasham khavaila sāda athumna hānga, “Paulna hākashoka Jishuwui ming eina ina nali kakasona.”

OTSAK 8:36

Anina zatmamānda leilakha tara̱ khaleipam akhali vāshunga. Chieina akhavā china hānga, “Yanglu, hili tara̱ leili, ili ra̱hikmikida khi pankhavai leikhala?”

ROMNAO 16:20

Chingri kahaiwui ura̱ Vare china Satanli nathumwui phei eina naikazam ngasakhaora. Ithumwui Jishu Khristawui lukhamashan chi nathumli leichingranu.

HEBREWNAO 2:14

Chieina naoshinaobing chi phasā khavaia kala ashee kazanga mi sāhaoda Jishula athum thāpapama. Kaja ana thikhami mangā eina kathiwui pangshap kasinga chipee chili shimān ngasaka.

HEBREWNAO 7:1

Melchizedek, Salemwui awunga, kala Reimataimeikap kaje Varewui pāngmon china Abrahamna raili vāda awungabingli sāthathailaga hankhaung tharan angarokta somi,

JAMES 2:19

Vare hi akhamānga da nathumna shitsanga. Chi phālakhaira. Chipeela chithada shitsanga kala ngacheelaka.

2 PETER 2:4

Kaja morei sāhaikha kazingraobingli eina tangda Varena yangkhei kahai maleimana, athumli kazeiramli haida bichartam marāranglakha eina tangda tangmangting kahaipamli tuknarhaiakha,

1 JOHN 3:8

Morei kasaa chi chipeewui mina, kaja haokaphokwui eina thuida chipeena morei sai. Chiwui vang eina Varewui Naomayarana chipeewui otsak shimān ngasak khavai kharāna.

JUDE 1:6

Kazingraobingna athumwui pangshap chi shichinnguihaida athumwui pam chiho kahaiwui vang, khanaowa zimiksho chi marāranglakha eina tangda Varena katang makhavai marikhānghui eina khalaplaga tangkhamangli haira, chi phaningung ngasakngai.

PHONGKHAMI 12:12

Chiwui vang eina mathānlu, O kazingram kala chili khaleibing! Kha okathui eina shamadru, kakhanang ngasāranu, kaja chipee china awui atam ungshungrāli kaji theida nathumwuili malungvātlak eina tāhaira.”