MARK 4:2 - Kathara Bible (BSI)

² Ana chānjam tui eina apong tarākha athumli tamchithei kala awui tamkachitheili hithada hānga:

MARK 4:2 Iomraidhean Croise

LAA 49:4

Chānjamwui tuili ikhanā nāshungra; iwui pakhon lyre eina ngasoda hāngchitheira.

LAA 78:2

Ikhamor eina chānjam tui matuira; Ina achālakhawui thumkahai tui chi matuira;

MATTHEW 13:10

Chiwui thili sākhangatha̱bingna ali unghānga, “Khiwuivang eina nana athumli chānjam eina tamchitheikhala?”

MATTHEW 13:3

Ana apong tarākha chānjam eina tamchitheida hānga: “Athā khayaoa akhana athā yakhavai vai.

MATTHEW 7:28

Jishuna hibing hi hāngser kahaiwui thili awui tamkachithei chi theilaga yarui saikora matakhakhaowa.

MARK 10:1

Kala ana apam chi chihohailaga Judea ngaleivāk vai kala Jordan kong kānvai, kala mi kachungkha awuili rakazipluiya, chieina ana awui khangachā thada athumli tamchithei.

MARK 12:1

Jishuna athumli chānjam eina hāngchitheiphoka. “Mi akhana drakhā yāmgui akha sālaga kuimareida hokhaithing eina ngaveiya, atheira̱ sangkhavai akhurla chuihai kala tārongla semhai, chiwui thili yāmgui chi mili masā ngasaklaga a kha̱ram vāhaowa.

MARK 12:38

Kala ana awui tamkachitheili hānga, “Phahon katuma ngavailaga yaothuizatkhangaiya kala leihngapha̱lungli khayāshilak eina shālam sangasakkhangaibing,

MARK 3:23

Chieina Jishuna athumli hokhuida chānjam tui eina hānga, “Kathada Satanna satanli kashamshokpaira?

MARK 4:11

Jishuna athumli hānga, “Nathumli Vare wungramwui khangathuma tui chi mikahaina, kha chili makazangbingli chānjam tui eina shākhui khangasakna.

MARK 4:3

“Nganālu, athā khayaoa mi akhana athā yaokhavai vai.

JOHN 18:19

Pāngmon kharei china Jishuli awui sākhangatha̱ eina awui tamkachitheiwui pongli ngahāna.