MARK 4:17 - Kathara Bible (BSI)

¹⁷ kala khalattawui lungli angayung maleimana, kha kasha̱nakha ringa; kha tui chiwui vang kachotkachāng, rekakharek kharā tharan heng sāda yāmhaowa.

MARK 4:17 Iomraidhean Croise

JOBWUI LAIRIK 19:28

Kalikhada nathumna ‘Ali ithumna kathāda kharomra!’ kala, ‘Otshot hiwui angayung awuili lei’ jiakha;

MATTHEW 11:6

Ili ningkhamaong makhalei a chi sokhamina.”

MATTHEW 12:31

Chiwui vang eina ina nathumli kahāngna, morei kala kachipat tui khamatui kachiva̱wui vang mikumoli pheomira; kha Manglāli kachipata chili mapheomimara.

MATTHEW 13:21

thalala awuili angayung maleithuwa, kha kasha̱nakhawui vang khānglaga tui chiwui vang kakhanang kachot nilala, rekakharek nilala kharā eina ngalāngda sana̱unghaowa.

MARK 4:16

Kala chi tākam eina lunggui khaleipamli tātung kahaibing chi hibingna, athumna tui chi shālaga mathānthathup eina khuisanga;

MARK 4:18

Khangateibing chi ka̱shatlungli yaosang kahaibingna; athumna tui chi shai,

LUKE 12:10

“Miwui Naomayarawuitungli makhamayā tui khamatui saikora pheomira, kha Manglā Katharali kachipata chili mapheomimara.

JOHN 8:31

Chieina ali shitsang kahai Jihudibingli Jishuna hānga, “Nathumna iwui tamkachithei khuisangakha kachangkhat nathum iwui sākhangatha̱bingna.

GALATIANAO 6:12

Nathumli ahui rimshokphalungra da tandi kasābing chiya akorli maikhayā chitheikhangaibingna. Athumna kasā hiya Khristawui krushwui vang eina athumli marekharek khavaina.

2 TIMOTHY 1:15

Asiali khalei mi kachiva̱ iwui eina mai ngareithuihaira kaji nana thei. Athumwui ngachaili Phygelus eina Hermogenesla zanga.

2 TIMOTHY 4:10

Demasna aruihonwui okathuili leishimeihaoda ili chihohailaga Thessalonicali vāhaira. Crescensla Galatiali vāhaira kala Titusna Dalmatiali vāhaira.

2 TIMOTHY 4:16

Ina I khalattawui vang phayetkharethang iwui vang nganingmi khavai mi khipākha maleisāmana, saikorana nothāhaowa.

HEBREWNAO 10:29

Chithākha Varewui naomayarali makachāpa, moreiwui eina tharmi kahai Varewui tuingashitwui asheeli paisor eina kaphaninga mi, lukhamashanwui Manglāli mana̱kashe mi chi khi ngasāra? Awui tandi kayākha sakmeirakhala da phaningyanglu!

1 JOHN 2:19

Athum chi ithumwui ngarumsakli kachangkhat makazangwui vang thuikahaina; ithumli zangchaosi kaja athum mayāmlakmara. Kha ithumwuili mazangchaomana kaji ngahāhang eina theikhui khavai athum thuikahaina.

PHONGKHAMI 2:10

Nathum khanangki kaji khikhikhawui vang mangangalu. Yanglu nathumli chāng tamyang khavai chipeena kaikhali phātop sangra; kala tharāthangwui vang kakhanang samphangra. Kathi eina tangda ili shitsangmalu; Ina kharingawui kuihon mira.

PHONGKHAMI 2:13

Ina nawui pamkhavai thei; chi Satanwui wungpamkhonglina. Chithālala iming nana singtita, nana iwui kahāng nganai kala Satanna kapam apam chili shākhi khame ili ningkatonga Antipasli sākathat tharan nana ili shitkasang mangacheilakmana.