MARK 4:12 - Kathara Bible (BSI)

¹² ‘Kaja, Athumna theikachanglala mamachukmara, athumna shākachanglala bhap matāmara; chithasāsi kaja athum Vareli latunghairara, kala ana athumli pheomihairara.”

MARK 4:12 Iomraidhean Croise

ISAIAH 43:8

Mik kālaga khangapeobing, khanā kālaga khangakhokbing khuishokserlu.

ISAIAH 44:18

Athumna matheimana, theikhavai kaphāla maphāmana; kaja mathei khavai ana athumwui mik sāphinmihaowa, kala bhap tākhui khavai ning shungmihaowa.

JEREMIAH 36:3

Ka̱lākashi rākhavai ina ngarān kahai hi Judahwui shimkhurna shālaga ning ngateida makaphāwui eina latunglapai; chithakha athum ava̱va̱na latungda inala athumwui khayon kala morei pheomi paira.”

JEREMIAH 5:21

“Mangkhama̱, ning makazanga mibing, hi nganākhuilu, mik kālala makatheibing, khanā kālala makashābing.

EZEKIEL 12:2

“Miwui naomayara,” ana hānga, “Na ngakaikashe shimkhur, theikhavai mik kālala makatheibing, shākhavai khanā kālala makashābingwui alungli pamdalei

MARK 8:18

Mik kālaga matheirarmala, khanā kalaga mashārarmala? Kala nathum maphaningungmala?

LUKE 8:10

ana hānga, “Nathumli Vare wungramwui khangathuma tui chi theikhui khavai pangshap mihaira; kha khangateibingwui vanga chānjam thada lei. Chiwui vang eina athumna yanglala matheimara kala shālala bhap matāmara.”

OTSAK 3:19

Chiwui vang eina nathumwui morei pheomipai khavai mai ngareiungda ningngateilu.

KHALATLUI 29:4

kha aja eina tangda nathumwui ningli theikhui khavai, lah mik eina theikhui khavai kala khanā eina shākhui khavai Prohona nathumli mamiranga.

2 TIMOTHY 2:25

Yangkashebingli kaphā eina mashungkakhui ngasāphalungra. Chithākha Varena athumli ningngatei ngasakta khamashung theikhui ngasakpai.

HEBREWNAO 6:6

mai ngareithui kahaibing! Athumli ning ngateilui khavai khuiungluiki kaji masākapai otna, kaja Varewui Naomayarali athumna krushtungli shāoshānluishitta yarui mangāli maishi ngasakta lei.