MARK 3:5 - Kathara Bible (BSI)

⁵ Athumwui ning khamakang chi theilaga wukkakhanang eina malungkhavāt ngasoda ana athumli yanglaga kakazā mipa chili “Napāng katinglu” da kasoi, ana katingkashok eina khangachā apāng thāhaowa.

MARK 3:5 Iomraidhean Croise

HAOKAPHOK 6:6

Kala okathuili mikumo semhaikasāwui vang Proho wukkhananghaowa.

1 WUNGNAOBING 13:6

Kala awungana Varewui mi chili hānga, “Nawui Proho Varena lumashanmida ipāng raimi khavai seihā kasāmilu.” Varewui mi china Proholi pomilaga awungawui pāng raihaida khangachā tākam eina unghaowa.

NEHEMIAH 13:8

Kala I malungvātnahaida Tobiahwui thongthāng saikora ayarli horshokmiserhaowa.

LAA 95:10

Kaja zingkum hangmatiwui vang ina thot chili ningkachai, “Athum ning makathara, iwui pongli matheikhame mibingna” da ina hānga.

MATTHEW 12:13

Chieina Jishuna mipā chili hānga, “Napāng katingshoklu.” Chieina ana apāng katingshoka kala apāng lākhavāk thada phāchaohaowa.

MARK 3:4

Kala ana athumli, “Sabbaththang kaphā kasā lah zakkashi kasā; mirin kankakhui lah shaokathat, ainna kachipā mayākhala?” da hānga. Kha athum vari eina pamhaowa.

LUKE 13:15

Chieina Prohona ngahānkai, “Phākakhaningbing! Nathumna sabbaththang nathumwui sei lah gadhā seishimwui eina chihomilaga tara̱ shimān khavai mahomvāmala?

LUKE 17:14

Jishuna athumli kathei eina hānga, “Zatulu, kala nathum khalattana pāngmonbingli achitheilu.” Athumna zatmamānlakha athumli tharmihaowa.

LUKE 6:10

Jishuna athum saikorali yangserlaga sheikasha̱pali hānga, “Napāng katingshoklu.” Ana pāng chi katingkashok eina khangachā thada unghaowa.

JOHN 9:7

kala hānga, “Siloam (hiwui kakhalata chihokhava kajina) ra̱khongli apheohaolu.” Chieina ana apheotāhailaga amik theida ungrārāsai.

ROMNAO 11:25

Nathum khalatta thangmeiya da kaphaning chi maphaning khavai ngathum kahai mashun tui ina chitheingaiya kaja Gentilebing marāzangseranglakha eina tangda Israel kaikhali ning makang ngasak kahaina.

2 CORINTHNAO 3:14

Athumwui ning chi kachangkhat farorhai kala aja rāshungda athumna kachama tuingashit kapā tharan athumwui mikli farorchingda lei. Khiwui vangkhala kaja Khristali kazanga mi chimāngli fakharor chi lānkhamina.

EPHESIANAO 4:18

Athum mangkhama̱wui vang ning makanghaoda Varena khami mirin chili athum mazangmana.

EPHESIANAO 4:26

Malungvāt ngaroklala morei masaalu kala langpongda malungmavātalu.

EPHESIANAO 4:30

Kala ngatangkhami zimikshowui vang nathumli mahor namkahai Varewui Manglā Kathara chili makhanang ngasakalu.

HEBREWNAO 3:10

Chiwui vang eina mithot hili ina malungvātta hānga, ‘Athumna khayonmāng phaningchinga, iwui tuila manganāmana.’

HEBREWNAO 3:17

Kum hangmati Varena khipāli malungvātkhala? Morei kasābing kala lamhāngli thisang kahaibing chi maningmala?

HEBREWNAO 5:9

Kāshungchao ngasak kahai tharan awui kahāng khanganābing saikorawui vang katang makhavai huikhamiwui ura̱ok ngasāhaowa,

PHONGKHAMI 6:16

Kala athumna phungreibingli kala lunghārbingli ngakaoda vaowa, “Wungpamkhongli kapama chiwui miktheiwui eina, kala Yaonao chiwui malungvātwui eina thummida ithumwuitungli minrormilu,

WUNGVA̱-WUNGVĀ 10:16

Kala athumna yurbingwui varebing horserhaida Proholi otram ngatha̱luishita; kala Israelwui kakhanang chi ana theilaga makhāngrarthuwa.

1 SAMUEL 20:34

Chieina Jonathana malungvātlak eina tablewui eina ngakarthuida kachāng chiwui kakhanethang maphazāthuwa, kaja avāva̱na Davidli maishi khangasakwui vang awui ning chotlakhaowa.