MARK 3:27 - Kathara Bible (BSI)

²⁷ Kapanga shimva̱ chili aphei apāng makhalapranglakha mi khipānakhala awui shimli zangda awui ot mangaponkhuirarmana; kha khalaphaiakha ngapaikhuipai.

MARK 3:27 Iomraidhean Croise

HAOKAPHOK 3:15

Ina sha̱nao naniwui ngachaili kala nawui athei eina awui atheiwui ngachaili yangshi khangarok leingasakra; ana nakui naikhaira, kala nana aphei maja̱li makeira.”

ISAIAH 27:1

Chithanghon Prohona awui khamakanga kala kazana raighai eina Leviathan khayonga phara̱, Leviathan kahaikazata phara̱li tandi mira, kala ana shamadruli khalei dragonli sāthatra.

ISAIAH 53:12

Chiwui vang eina ina ali khareiabingli ngasoda awui yar ngayarmira, kala ana kapingabingli ngasoda khangapon chi ngayarra, kaja ana kathi eina tangda manglā chihomi, kala khayonbingwui mishānli shānruma; chithālala ana kachungkhawui morei phungmi, kala khayonkhamāngbingwui vang pomi.

ISAIAH 61:1

Proho VAREwui Manglā chi iwuitungli lei, khikhalajila Prohona ili thao neomihaira; kaja kakhanang kachotbingli paokaphā khuirāmi khavai, ana ili chihokharāna kaja kaphaning kakaibingli ngahāmi khavai, narkahaibingli ningkhān vaomalānmi khavai, kala khalap kahaibingli phātop shomi khavai,

MATTHEW 12:29

“Maningakha kathada mi akhana kapanga mi akhawui shimli azanglaga pheipāng makhalaphaila awui thongthāng ngaponpairakhala? Khalap kahaiwui thili ngaponpaiya.

JOHN 12:31

Ara apuk-apagva̱li bichar sāki kaji atamna; kala apuk-apagva̱wui akhavāli khuishokhaora;

ROMNAO 16:20

Chingri kahaiwui ura̱ Vare china Satanli nathumwui phei eina naikazam ngasakhaora. Ithumwui Jishu Khristawui lukhamashan chi nathumli leichingranu.

COLOSSIANAO 2:15

Ana yuihaida makaphāwui khangamkharei kala sāshap pangshap saikora khikha maningmana da yarui mangāli kashankachon kharai thada phonglāk eina sāchithei.

HEBREWNAO 2:14

Chieina naoshinaobing chi phasā khavaia kala ashee kazanga mi sāhaoda Jishula athum thāpapama. Kaja ana thikhami mangā eina kathiwui pangshap kasinga chipee chili shimān ngasaka.

1 JOHN 3:8

Morei kasaa chi chipeewui mina, kaja haokaphokwui eina thuida chipeena morei sai. Chiwui vang eina Varewui Naomayarana chipeewui otsak shimān ngasak khavai kharāna.

1 JOHN 4:4

Naoshinaobing, nathum Varewui nao sāhaoda minama paokazatbingli nathumna yuihaira, kaja nathumwuili khalei a china okathuili khalei a chili hakmei.