MARK 3:2 - Kathara Bible (BSI)

² Kala Jishuli khayon phenkhavai Sabbaththang kazāt maraiminikhala da mi kaikhana ra̱yanga.

MARK 3:2 Iomraidhean Croise

LAA 37:32

Makaphaana khangarongali yangpama, kala ali sāthat khavai phāzata.

JEREMIAH 20:10

Kaja ngathumda tarākha khangazek ina shai. Kuimareida khangachee lei! “Ali mashātalu! Ithum ali mashātsa!” da iwui theikhamasui ngasotnaobingna hānga, I kongkhalui ngashānpama. “Ali minampailapai, chithākha ithumna ali yuishapra, chithākha ithumna ali athut khuipaira.”

DANIEL 6:4

Chiwui vang khayaiwobing kala satrapbingna wungram Danielwuitungli khayon mikhavai phai; khamashunga, ningtongda shitkasang mi sāthuihaoda khayon khikha masamphangmana.

MATTHEW 12:10

Kala yanglu, apam chili apāng sheikasha̱ mi akha leisai. Jishuli khayon phenkhangai mi kaikhala chili leisai. Chieina athumna ali ngahāna, “Sabbaththang kazāt raikhami hi ainna mayālā?”

MARK 3:3

Chieina Jishuna pāng sheikasha̱a chili, “Hili rālu” da hoi:

LUKE 14:1

Sabbaththang Jishuna Phariseebingwui kathāna akhawui shimli aphazā khavai khavā tharan mibingna ali yangpama.

LUKE 20:20

Chieina athumna atam kachā chi rimpama kala kachikathā kaikhali pheizā mida khamashung-khangarong sārek ngasaklaga Jishuna khayontui matuiakha tukkhuilaga khamunga pangshap khaleiya Governorwui pāngli horsangmi khavai mi chihovai.

LUKE 6:7

Ain kathembing eina Phariseebingna awuitungli khayon phenpai khavai sabbaththang ana kazat maraiminikhala da yangpama.

JOHN 8:6

Jishuwui khayon tukkhui khavai athumna kahāng kasāna. Kha Jishuna kui mashunzangda pāngmareng eina ngaleili kapi.

JOHN 9:16

Pharisee kaikhana hānga, “Hi kasā mipa hi Varewui eina kharā maningmana, kaja ana Sabbath mamayonmana.” Khangatei kaikhana hānga, “Morei kaphunga mina kathada hiyākha hakkhamahā ot sāshaprakhala?” Hithada athumwui ngachaili ning kaikhangarok shokhaowa.