MARK 2:8 - Kathara Bible (BSI)

⁸ Athumwui ningli khamachuk chi heng sāda theihaoda Jishuna hānga, “Khisāda nathumwui ningli machukphāphākhala?

MARK 2:8 Iomraidhean Croise

1 THOTRINCHĀN 29:17

Nana wuklung tamyangda mashungrik kahaili ningyangkhaung lei kaji ina thei, iwui Vare, ot saikora hi ina ningtongda kachigatna, kala hili khalei nawui mibing saikorana nawui vang mathanthathup eina kachigatna kaji ara ina theihaira.

LAA 139:2

Ina pamlala kala nganinglala nana thei; katāva̱wui eina iwui ning nana thei.

CHĀNSAM 15:26

Makhayāwui kaphaning Prohowui mangāli ningkakachaina, katharawui tuina ali ningyāng unga.

CHĀNSAM 24:9

Mangkhama̱wui khangarān hi moreina, kala mashātkathei hi mina ningkachai khavaina.

ISAIAH 55:7

makhayā mina awui shongfa horhaida, kala makhamashunga mina awui kaphaning horhailaga; ana lumashanmipai khavai ithumwui Proho Vareli latungranu, kaja ana mavātlakla pheomira.

EZEKIEL 38:10

“Proho VAREna hānga: Chithanghon nawui ningli raza̱da makaphā ot sākhavai chukmaja̱ra,

MATTHEW 12:15

Khangarān kasā chi theilaga Jishuna apam chiwui eina thuihaowa. Kala mi kachungkhana athi shurvai kala athumwui kazāt saikora raimi,

MATTHEW 16:7

Kala athum khalatta hi ngazekta hāng ngaroka, “Ithumna khamui makhuikaphungthura.”

MATTHEW 9:4

Chieina Jishuna athumwui kaphaning chi theida hānga, “Nathumwui wuklungli khisāda makaphā ning phaningphāphākhala?

MARK 2:7

“Kathada hipāna hithada matuihaokhala? Hi Vareli kachipat tuina. Vare maningla morei pheomishapa khipā leikhala?”

MARK 2:9

Sheikasha̱pali ‘Nawui morei pheomihaira’ kaji paimeika ‘Ngakarthuida nawui pet khuiphungda zatulu’ kaji paimeikhala?

MARK 7:21

Kaja miwui wuklungwui eina makaphā ningphanin, shāmkasa, khaleekasa̱, shaokathat, phokaphā,

LUKE 24:38

Kha ana hānga, “Khisāda ngacheeda ningli chukmaja̱phāphākhala?

LUKE 5:22

Jishuna athumwui ngahān khangarok chi theida athumli hānga, “Khisāda nathumwui wuklungli machukphāphākhala?

LUKE 6:8

Kha ana athumwui kaphaning chi theihaoda pāng sheikasha̱pā chili hānga, “Hili rānganinglu.” Chieina ana ngakarthuida chili anganinga.

JOHN 21:17

Kakathumali Jishuna hānglui, “Johnwui naomayara Simon, na ili leishila?” Kakathumalila “Na ili leishila?” da khangahānwui vang Peter wukkhananghaowa; kala hithada ngahānkai, “Proho, nana saikora katheina; ina nali leishiya kaji nana thei.” Jishuna ali hānga, “Iwui yaobingli phāuilu.”

JOHN 6:64

Kha nathum kaikhana mashitsangmana.” Kaja haokaphokwui eina athum mashitsangmana kala khipāna ali hatrakhala kaji Jishuna thei.

OTSAK 5:3

Chiwui thili Peterna hānga, “Ananias, kathada nana chipeewui tui khuilaga Manglā Katharali kapikta lam khayorwui aman ngayarda thumhaokhala?

OTSAK 8:22

Chiwui vang eina nawui makaphā hiwui vang ningngateilu, kala sāpaiakha nawui ningrin chi pheomi khavai Vareli seihā sālu.

HEBREWNAO 4:13

Varivarawui eina ngathumkapai khikha maleimana. Ot saikora awui miktāli ngakheikhang eina theisera; kala ithumna sākahai ot saikora ali hāngphatserki kajina.

PHONGKHAMI 2:23

Awui thikashurabingli ina sāthatserhaora, chieina church saikorana I hi mi saikorawui kaphaning sākhangai katheiana da theikhuira. Kala nathum kachiva̱li kachichāna sākahai athishurda mira.