MARK 2:5 - Kathara Bible (BSI)

⁵ Jishuna athumwui shitkasang chi theilaga sheikasha̱pali, “Inaomayara, nawui morei pheomihaira.” da hānga.

MARK 2:5 Iomraidhean Croise

HAOKAPHOK 22:12

Ana hānga, “Nao chili napāng maparalu, lah ali khikha mathālu; nawui nao akhamāng kaje chi eina tangda iwui vang kashivām maleimana kaji theilaga na Vareli ngacheeya kaji ina theihaira.”

LAA 103:3

nawui khayon saikora pheokhame, nawui kakazā saikorala raikhame,

ISAIAH 38:17

Yanglu, iwui phākhavaiwui vang kahaka kakhanang samkaphangna; kha sāshimānki kaji khorchopwui eina nana ili kanmihaira; kaja iwui morei saikora nakhanukli haimihai.

ISAIAH 53:11

Amanglāna kachotwui heithei chi theida ningyāng ungra; iwui khangaronga raona awui awor eina, kachungkhali khamashungli shānsangra; kala athumwui khayonkhamāng ana phungmira.

MATTHEW 9:2

Yanglu, athumna awuili sheikasha̱ mi akha pet eina phonda ngazonrai. Jishuna athumwui shitkasang chi theilaga sheikasha̱pā chili hānga, “Pingmeilu, inaomayara! Nawui morei pheomihaira.”

MATTHEW 9:22

Jishuna ngareiungda sha̱naopāva̱ chili thei kala hānga, “Pingmeilu inao ngalāva̱ nawui shitkasangna nali raingasakhaira.” Chieina sha̱naopāva̱ chi chichangli raihaowa.

MATTHEW 9:5

‘Nawui morei pheomihaira’ da kahāng phāmeikā, ‘Ngakarthuida zatulu’ da kahāng phāmeirakhala?

MARK 2:6

Chitharan pamkasa ain kathemabingna athumwui ningli machuka,

MARK 5:34

Kala ana ali hānga, “Inao ngalāva̱, nawui shitkasang china nali phāngasakhaira, chingri eina ungulu, kala nawui kazāt raihaoranu.”

LUKE 5:20

Jishuna athumwui shitkasang chi theida hānga, “He mayara, nawui morei pheomihaira.”

LUKE 8:48

Chieina Jishuna ali hānga, “Inao ngalāva̱, nawui shitkasang china nali raingasakhaira. Chingri eina ungulu.”

JOHN 2:25

mi khipānakha athumwui pongli ali hāngmi khavai darkar masāmana kaja a khalattana athumwui ningli khi leikhala kaji thei.

JOHN 5:14

Khaleilaga Jishuna ali khorumshimli samphangda hānga, “Yanglu, ara na phāhaira. Morei masāluialu, chithākha nawuitungli khikha zakshikhamei mashokluimara.”

OTSAK 11:23

Ana vākashung eina mibing chili kathada somikhala kaji theilaga a ringphālakhaowa kala Proholi ningtongda shitsangching khavai athumli kasatsanga.

OTSAK 14:9

Ana Paulwui tamkachithei chi ningsanglak eina nganai, kala awuila raimi ngasakra kajiwui shitkasang lei kaji kathei eina

OTSAK 5:31

Varena ali Isrealnaobingli ningngateida, morei pheomi khavai kathāna Huikhame akha sāngasakta awui yāshong chipama.

1 CORINTHNAO 11:30

Chiwui vang nathumwui ngachaili kachungkhana khangazanla ngazana, kakazāla kazai, kala kaikha thihaira.

2 CORINTHNAO 2:10

Khalāng sākahai mili nathumna pheomiakha inala pheomi, kaja ina pheokhami chitharan nathumwui mangā eina Khristawui miktāli pheokhamina.

EPHESIANAO 2:8

Kaja shitkasang mangā eina nathumli huikhami hi Varewui lukhamashanna, nathumna sākakhui maningmana, kha Varewui lemmetna.

COLOSSIANAO 3:13

Nathum akha eina akha ya jimi ngaroklu. Khristana pheokhami thada nathum akha eina akha pheomi ngarokphalungra.

JAMES 5:15

china kakazā mi chili kanmida Prohona ali ngakarthui ngasakra kala ana morei sākahai chila pheomira.