MARK 2:22 - Kathara Bible (BSI)

²² Kala khipānakha drakhāra̱ sangkhavai sāhuikhao kachamli drakhāra̱ kadhar mathaisangmana, thaisangakha drakhāra̱ china khao chi ngawokkhaida drākhāra̱la, khaola shimanhaowa, kha drakhāra̱ kadhar chiya kadhara sāhuikhaowui vangna.”

MARK 2:22 Iomraidhean Croise

JOBWUI LAIRIK 32:19

Yanglu, iwui ning hi asham makhavai drakhāra̱ kathāna; kadhara drakhāra̱ sangkhavai khao thāda ngawokkhaiki jihaira.

LAA 119:80

Ina maikashi masamphang khavai, nawui shiyanwui pongli, iningli shāt makāngasakalu.

LAA 119:83

Kaja I chāngpongli sharkahai drakhāra̱ sangkhavai khao thāhaira, chitha-ilala nawui shiyan ina mamalailakmana.

MATTHEW 9:17

Chi tākam eina khipānakha kadhara drakhāra̱ chi kachama drakhā sāhuishonli mathaisangmana; thaisangakha sāhuishon chi ngawokhaida atheira̱ chi heitha̱serhaowa kala shonla shimānhaowa. Kha kadhara drakhāra̱ chi kadhara sāhuishonli thaikasang khangachāna, chithākha khanini mashimānmana.”

MARK 2:21

Mi khipānakha kachama kachonli kadhara chonsā mataksangmana, tāksangakha kadhara chonsā chi kākshokhaoda zakshimeikhar kākhaowa.

MARK 2:23

Sabbaththang Jishuna luivāk vai, kala athumna zatmamānda leilakha awui sākhangatha̱bingna mā mazokshai.

JOSHUA 9:13

Ithumwui drakhāra̱ sangkhavai khao hi chipemthang kadhar eina leisai, kha yanglu ara wuthaira; kala ithumwui kachonbing eina pheihop yanglu, shongfa kasāngkha zathaida ara tānārhaira.”

JOSHUA 9:4

athumna awor sāda gadhātungli porāshi akāk, drakhāra̱ sangkhavai chiphokakhui khao,