MARK 2:20 - Kathara Bible (BSI)

²⁰ Kha mākhām kahaia chili athumwui eina khuikathui atam rārāsāra, chithang athum khumnaora.

MARK 2:20 Iomraidhean Croise

LAA 45:11

kala awungana nawui khamathā chi ningchāngra. A nawui akhava ngasāhaoda, ali khorumlu.

SOLOMONWUI LAA 3:11

O Zionwui naongalāva̱bing, vaulu, kala Awunga Solomonli ayanglu, awui ngalā shakzāthang awui ning ringkaphā zimikli, ava̱va̱na ali ngahonkhami kuihon khangahon chi.

ISAIAH 54:5

Khikhalajila nawui Kasā Akhavā chi nagaharana, saikorawui Proho chi awui mingna; Israelwui Kathara chi nawui Ngatangkhamena, ali okathui saikorawui Vare hoi.

ISAIAH 62:5

Kaja yaronnao akhana kachingva̱ akhali khangakum thāda, nanao ngarāna nali shakzāra; kala shakazā mayarana ngalāva̱ chili ningyāngkhaung thāda, nawui Varena nali ningyangungra.

ZECHARIAH 13:7

O raighai, iwui yaokahomali thuingasunglu, ili khangalengpa chili ngasunglu da saikorawui Prohona hānga. “Yaobing chaiyanghai khavai yaokahomapā chili ngaphitlu; kateonaobingli ina pāng parra.

MATTHEW 26:31

Chiwui thili Jishuna athumli hānga, “Arui ngayā nathum saikora imangli horhailaga yāmserhaora, kaja kathara lairikli hithada kapihai, ‘Ina yaokahomali sāthathaora kala yao ashangva̱ chi chaiyānghaora.’

MATTHEW 9:15

Chieina Jishuna athumli hānga, “Shakazā mayarana athumli ngasopamda leilakha shakzātli kharā mibingli chikhumpairalā? Shakazā mayara chili athumwui eina khuikathui atam rārāsara: chithang athum khumnaora.

MARK 2:19

Chieina Jishuna athumli hānga, “Khām kahaipa china shakzātli kharābingli ngasopamda leilakha athum khumpairala? Khām kahaia china athumli ngasopamda leilakha eina tangda makhumpaimana.

MARK 2:21

Mi khipānakha kachama kachonli kadhara chonsā mataksangmana, tāksangakha kadhara chonsā chi kākshokhaoda zakshimeikhar kākhaowa.

LUKE 17:22

Chiwui thili ana awui sākhangatha̱bingli hānga, “Nathumna miwui Naomayarawui atam chi thangkhamāngla theingailala matheirarki kaji zimiksho rārāsāra.

LUKE 5:35

Khām kahaia chili athumwui eina khuikathui atam rārāsāra, chithanghon athum khumnaora.”

JOHN 12:8

Nathumna kachāmabingli ngasopamchingra, kha iya nathumli mangasopamluimara.”

JOHN 13:33

Inao ngarā, ina nathumli kasāngkha mangasopamluimara. Khaleilaga nathumna ili phāra, kha ina Jihudiwui akhavābingli kahāng chi nathumlila kahāngna kaja ina vāki kaji chile nathum marārarmara.

JOHN 16:28

I iwui Avāwui eina okathui hili kharāna; kala ara okathui hiwui eina iwui Avāwuili ungluihaora.”

JOHN 16:7

Kha khamashung tui ina nathumli kahāngna, nathumwui vanga I kathuina phāmei, kaja I mathuiakha Machinme chi nathumwuili marāmara, kha ina thuihaiakha ali chihorāra.

JOHN 17:11

Ara I apuk-apagva̱li maleiluimana, kha athuma apuk-apagva̱li lei, kala I nawuili rārāli. Tharkhamathenga Avā, nana ili mikahai athumli nawui mingwui pangshap china mayonmilu. Chieina na eina I akha kasā thada, athum akha ngasāpaira.

JOHN 17:13

Ara I nawuili rārāli, kala ina okathuili hi kahāng hiya, iwui ringkaphā chi athumna ningli pemting eina samphang khavaina.

JOHN 3:29

Khām kahaiva̱ leikahaia chi khām kahaiana. Khām kahaiawui khamashita, awui ngalemli nāshungda khalei china khām kahaiva̱wui akhon kashā eina mathāna. Chithada sāda iwui ringkaphā chi ara kāshunghaira.

OTSAK 1:9

Hi hānghailaga athumwui miktāli ali khuikāhaowa, kala muiyāna tākhaluikhuida chiwui alungli shimānhaowa.

OTSAK 14:23

Church kachiva̱li anina ararbing kapangsangmi kala kakhum eina seihā sālaga kapang kahai athum chi athumna shitkasanga Prohowui pāngli horsangmi.

OTSAK 3:21

Achālakhawui eina thuida Varena awui kathara marānbingli shichinlaga hāngngasak kahai saikora chi maungshungranglakha eina tangda a kazingramli leisāphalungra.

1 CORINTHNAO 7:5

Seihā sākhui khavai khaninina mayāngarokta atam kasha̱nakhawui vang pākkhangarok maningakha akha eina akha mamayā khangarok masaalu, pāksālala ngakumluishitlu, maningakha khalatta mangarinkharar eina Satanwui kasuili tazanghaipaishina.

2 CORINTHNAO 11:2

Varewui thada ina nathumli shivāmlaka, kala kachingva̱ sha̱naona agaharali fakhavā thada nathumli ina Khristali khāmmi kahaina.

2 CORINTHNAO 11:27

Ringkashi kachotkachāng ngayā mapikakhui, kathai, ra̱kachang, kasāngkharei kakhum, kasik kala kashankachon makhangavai kachungkha shida samphanghaira.

2 CORINTHNAO 6:5

Kashaola, phātop kazangla, khonkazārla, ot kasāla, makapila, kakhumla ithumna khānga.

PHONGKHAMI 19:7

Ithum mathānda ringphāsa kala aming tekmatei ngasaksa, khikhalajila Yaonaowui shakzāt atam rāhaira, awui Mākkhām kahaiva̱ ngarānpinghaira;

PHONGKHAMI 21:9

Chiwui thili kazingrao shiniwui ngachaili naomeikap kaje unshimui shini pemting eina kasinga kazingrao akhana ili rāhānga, “Ralu, mākhām kahaiva̱, Yaonao chiwui preiva̱ chi ina chitheira.”