MARK 2:18 - Kathara Bible (BSI)

¹⁸ Thangkha Johnwui sākhangatha̱bing eina Phariseebing khumda leilakha mi kaikhana ali rāngahāna, “John eina Phariseebingwui sākhangatha̱bingna khumlaga khiwui vang eina nawui sākhangatha̱bingna makhumthukhala?”

MARK 2:18 Iomraidhean Croise

MATTHEW 23:5

Athumna athumwui kasāsā ot chi mina theikhavai sai; athumwui pāsi eina hār pākta sākhui kala chontheira̱ sānglak eina khanonga,

MATTHEW 6:16

“Nathumna kakhum tharan khanangzan eina phākakhaningbingna kasā thada mapamchitheialu, kaja athuma athumwui kakhum chi mibingna theivairanu da zakmai ngatei ngasaka. Ina nathumli kachangkhat kahāngna, athumna athumwui samphangrān chi samphanghaira.

MATTHEW 6:18

Chieina nathumwui kakhum chi mina maningla kha ngathumda khaleia nathumwui Avāna theira; kala ngathumda katheia nathumwui Avāna nathumli sāman mira.

MARK 2:19

Chieina Jishuna athumli hānga, “Khām kahaipa china shakzātli kharābingli ngasopamda leilakha athum khumpairala? Khām kahaia china athumli ngasopamda leilakha eina tangda makhumpaimana.

LUKE 18:12

Ina haptākhali khanishida khuma, kala samkaphang saikorawui tithebing michinga.’

ROMNAO 10:3

Kaja athumna Varewui eina kharā mashungkhami chi matheimana, kha athum khalattawui apong phālaga Varena mashungkhami chili mamayāthuwa.