MARK 2:17 - Kathara Bible (BSI)

¹⁷ Jishuna chi kashā eina athumli hānga, “Kazāt makhaleibingna khānong mahomana, kha kakazābingna kahona. Ina khamashungbingli hokhuikida kharā maningla, kha morei kaphungbingli hokhuikida kharāna.”

MARK 2:17 Iomraidhean Croise

ISAIAH 1:18

“Ralu, ithum bhab tāda ngazekrumkhuisa, da Prohona hānga: nathumwui morei hungpinghailala, horam thāda charshihaora; ashee thāda hungshihailala, sāhāh kachar thāhaora.

ISAIAH 55:7

makhayā mina awui shongfa horhaida, kala makhamashunga mina awui kaphaning horhailaga; ana lumashanmipai khavai ithumwui Proho Vareli latungranu, kaja ana mavātlakla pheomira.

JEREMIAH 17:9

“Ot saikorawuitungli wuklung zakshimeikapa, kala makhaomeikapa, khipāna chi bhab tāshapkhala?

MATTHEW 18:10

“Naoshinao kateowa akhalila ningachai kahai masaalu, khikhalajila nathumli kahāng hina kaja athumwui kazingraobingna kazingramli khaleia Ishāvawui mai theichingda lei.

LUKE 15:10

Chithada sāda ina nathumli kahāngna, morei kaphunga akhana ning khangatei chitharan Varewui kazingraobingna ringphā mathāna.”

LUKE 15:29

Kha ana avāva̱li hānga, ‘Yanglu, ina nali kum hirankha otram ngatha̱mihaira kala nawui kahāng makailakranga; chithālala nana ili iwui ngasotnaobingli ngasoda ringphārum khavai menao akhala mataithatmilakranga.

LUKE 15:7

Chithada sāda ina nathumli kahāngna, ning ngatei khavai makhalei khamashung khangaronga mi hangchikoda chikoli ngasokapamliva morei kaphunga mi akhana ning khangatei china kazingramli mathānmeikharra.

LUKE 16:15

Kha ana athumli hānga, “Mibingwui miktāli nathum khalatta mashungkhui khavai sāzata, kha Varena nathumwui wuklung theisera, kaja mibingwui miktāli khamathāna da kakhui hiya Varewui miktāli ningkakachaiya otna.

LUKE 19:10

Kaja miwui Naomayarana shimān kahaibingli phākhuida huimi khavai kharāna.”

JOHN 9:34

Athumna ngashimshida hānga, “Nava moreilungli pharāsang kahai mina, laga ithumli tamchitheiki kajila?” Chieina athumna ali synagoguewui eina aming katathaowa.

JOHN 9:40

Chili leikasā Pharisee kaikhana chi shāda ngahāna, “Ithumla mik ngapeowa kajila?”

OTSAK 20:21

Jihudinaobing eina Gentilenaobing moreiwui eina ningngateida Varewuili latung khavai kala ithumwui Proho Jishuli shitsang khavai ina ngaraichā eina hāngmachinmi.

OTSAK 26:20

Rimeikapta Damascusli khalei, chiwui thili Jerusalemli khalei kala Judeali khalei saikora kala Gentilebingli, moreiwui eina ning ngateida Vareli latunglu kala ning ngateihaira kaji otsak eina chitheiphalungra da ina pao hāshoka.

TITUS 2:14

makaphā makhayāwui eina ngatangkhuida awui kathara kala khamareka mi sākhavai a khalatta ithumwui vang chigatmi.