MARK 16:19 - Kathara Bible (BSI)

¹⁹ Proho Jishuna athumli hangchitheikup kahaiwui thili ali kazingramli khuikāhaowa kala Varewui yāshong chipama.

MARK 16:19 Iomraidhean Croise

LAA 110:1

Prohona iwui ameili hānga: “Nawui yangkasheli nawui pheinai masāranglakha eina tangda, iwui yāshong pamlu.”

MARK 16:20

Chieina athumna apam kachiva̱li vāda pao hāshoka kala Prohona athumli ngasoda ot sai kala athumwui paokapha chi mashunga kaji chi matakhak kahai ot kasā machut china phongshoka.

LUKE 22:69

Kha aruiwui eina thuilaga miwui Naomayarali Varewui pangshapwui yāshong chipamhaora.”

LUKE 9:51

Jishuli kazingramli khuikāhaoki kaji atam rākhanganai tharan ana Jerusalemli vākhavai mai ngareivāhaowa.

JOHN 13:1

Makānkhami phanit sākida thangkha vātlakha, Jishuna apuk-apagva̱li pākhailaga Avāva̱wuili vāki kaji atam rāhaira kaji kathei tharan, apuk-apagva̱li khalei mibingli leishihaoda, khanao eina tangdala ana leishi.

JOHN 16:28

I iwui Avāwui eina okathui hili kharāna; kala ara okathui hiwui eina iwui Avāwuili ungluihaora.”

JOHN 17:13

Ara I nawuili rārāli, kala ina okathuili hi kahāng hiya, iwui ringkaphā chi athumna ningli pemting eina samphang khavaina.

JOHN 20:17

Jishuna hānga, “Ili masāza̱alu, kachiwui vangkhala kaja I Avāwuili makāranga. Kha ichināngarāli vāda, ina iwui Avā kala nathumwui Avā, iwui kala nathumwui Vareli kaura, kaji unghāngmilu.”

JOHN 21:15

Athum phazākup kahaiwui thili Jishuna Simon Peterli hānga, “Johnwui naomayara Simon, hibingli lāngmeida nana ili leishila?” Ana “Mha, Proho ina nali leishiya kaji nana thei” da ngahānkai. Jishuna ali hānga, “Iwui yaonaobingli phauilu,”

JOHN 21:22

Jishuna ngahānkai, “I marāranglakha eina tangda ina ali leisa ngasakngai jilala, china nali khi saura? Ithi shurmalu.”

JOHN 6:62

Nathumna miwui Naomayarana rida ana pamkasā awui apamli kāluishit kaji theisi kaja khi phaningra?

OTSAK 1:22

Johnna ra̱hikkhamiwui ot sākaphok eina thuilaga Proholi khuikakā eina tangda chiwui alungli kazangabingwui ngachaili akhana ithumli ngasoda ringkhaluiwui pongli shākhi sāphalungra.”

OTSAK 2:33

Ara Varewui yāshong pamngasakta, ngashit kahai Manglā Kathara chi Avāva̱wui eina samphanga kala ithumwuitungli heirorkhami chi nathumna kathei kala kashā hina.

OTSAK 3:21

Achālakhawui eina thuida Varena awui kathara marānbingli shichinlaga hāngngasak kahai saikora chi maungshungranglakha eina tangda a kazingramli leisāphalungra.

ROMNAO 8:34

Kachikathāna ithumli yonna da hangshapralā? Thimihailaga ringshok kahaia Varewui yāvāk pamda ithumwui vang pomida khalei Khrista Jishunala khayon mamimara.

COLOSSIANAO 3:1

Khristali ngasoda nathumli ring ngasakhaira, chiwui vang eina Varewui yāshong Khristana awui wungpamkhongli pamda khalei kazingramwui otbing chili nathum ningshailu.

1 TIMOTHY 3:16

Ithumwui dharmawui ngathum kahai hakhamahā chi khipānakha maningmana majirarmara: A mikumowui phasā kāda rai, hi Manglāna mashunga da chithei, kala kazingraobingna thei. Awui pongli miyur saikorali hāshoka, okathui peidana shitsanga, kala tekhamatei eina khuikāhaowa.

HEBREWNAO 1:3

Anaona Varewui tekhamateiwui kahān chi hāna kala Varewui azak tākamhai. Awui tui china apuk-apaga hi ringkhangasakna. Mikumowui morei pheokhami samphang kahaiwui thili, ana kazingramli Reikhamatai Varewui yāshong pama.

HEBREWNAO 12:2

Haokaphok eina thuilaga akatang eina tangda ithumwui shitkasang phumhaiki kaja Jishuli yangchingsa. Ana krushli ngacheeda mayāmmana! Kha ali ngaraida khalei khamathān chiwui vang, krushtungli kathiwui maishātli ana khikha mahengsangmimana, kala ara Varewui wungpamkhong yāshong pamda lei.

HEBREWNAO 4:14

Jishu, Varewui Naomayara pāngmon kharei kazingramli vāhaira, chiwui vang eina ithumna khuisang kahai shitkasang chi singtitsa.

HEBREWNAO 6:20

Ithumwui vang eina Jishuna chili rida zanghaira, kala Melchizedek thada katang makhavai pāngmon kharei sāhaira.

HEBREWNAO 7:26

Chiwui vang eina ithumwui ningkachāng ungshung khavai pāngmon kharei chi Jishuna. A Katharana; ali khayon kala morei maleimana; morei kaphungbingwui eina ngateimihaida kazingramli chuimeida khuikāhaira.

HEBREWNAO 8:1

Hāngkahai saikorawui tuira̱ chi hina; ithumwui Pāngmon Kharei hikathā lei kaja, ana kazingramli Khangamkharei wungpam yāshong pamda lei.

HEBREWNAO 9:24

Kaja akachangwui amahā kasā mikumona sākakhui Kathara Pam chili Khrista mazangmana, kha kazingramli zangda Varewui mangāli ithumwui vang nganingmida lei.

1 PETER 3:22

A kazingramli vāhaira kala Varewui yāshong pamda kazingraobingla, kazingwui khangamkharei kala saikorala awui pāngli leisera.