MARK 16:16 - Kathara Bible (BSI)

¹⁶ Shitsangda ra̱hik kahai mi chili huimira; kha mashitkasanga mi chili khayon mira.

MARK 16:16 Iomraidhean Croise

MATTHEW 28:19

Chiwui vang eina nathumna vāda miyur saikorali iwui sākhangatha̱ sāngasaklu; athumli Avā kala Anaomayara kala Manglā Katharawui ming singda ra̱hikmilu,

MARK 1:15

“Retkahai atam chi rāhaira, kala Varewui wungram nganaishunhaira. Ningngateilu kala paokaphā chili shitsanglu.”

LUKE 8:12

Shongfali tākazangbing chi shākhui kahaibingna; kha athum tui chili mashitsang khavai kala kahui masamphang khavai chipee china rālaga athumwui eina tui chi khuithuihaowa.

JOHN 20:31

kha Jishu hi Varewui Naomayara, Khrista china da nathumna shitsang khavaiwui vang kala shitkasangda awui mingli kharing samphang khavai hibing hi kapi kahaina.

JOHN 3:36

Naomayara chili shitkasanga mi chi katang makhavai kharing lei; kahāng makhanganaa chi kharing kaho matheimara, kha Varewui malungkhavāt awuitungli lei.

JOHN 3:5

Jishuna ngahānkai, “Kachangkhat eina ina nali kahāngna, kachikathāna tara̱ eina kala Manglā eina kapharā maningakha Vare wungramli mazangrarmara.

JOHN 5:24

“Kachangkhat eina nathumli kahāngna, iwui tui shāda ili kashirātali shitkasanga a chi katang makhavai kharing lei. Ali bichar masāmara, kha kathiwui eina kharingli kanshok kahaina.

JOHN 6:29

Jishuna athumli ngahānkai, “Ana shirātkharāpa chili shitkasang hi Varena sāngasakkhangai chilaka.”

JOHN 6:35

Jishuna hānga, “I kharingawui kashakazāna, ili kharā mi chi mathaimara, kala ili shitkasanga mi chi mara̱changlakmara.

JOHN 6:40

Hi iwui Avāwui ningkachāngna kaja Anaomayarali theilaga ali shitkasangbingli katang makhavai kharing samphang ngasakra. Kala khanaowa zimiksholi ina ali ringshok ngasakra.”

JOHN 8:24

Nathum nathumwui moreili thira da ina hānghaira, kaja ‘I chi ilaka’ kaji mashitsangakha nathum nathumwui moreili thira.

OTSAK 10:43

Marān saikoranala awui pongli shākhi sai kaja ali shitkasanga mi kachiva̱na awui ming chiwui mangā eina morei pheokhami samphangra.”

OTSAK 13:39

Moseswui ainna nathumli ningkhān masā ngasakkharar chi hipāwui mangā eina shitkasanga kachiva̱li ningkhān ngasakhaira.

OTSAK 13:46

Kha Paul eina Barnabasna pingmeida hānga, “Rimeikapta Varewui tui hi nathumli hāngchitheiphalungki kajina. Kha nathumna katang makhavai mirin masamphangngaimada khalan kahaiwui vang, nathumli haiphungda ithum Gentilebingli vāhaora.

OTSAK 2:38

Chieina Peterna hānga, “Ning ngateihaolu, kala nathumwui morei pheomi khavai Jishu Khristawui ming singda nathum kachiva̱ ra̱hikhaolu, chithākha Manglā Katharawui lemmet chi nathumna samphangra.

OTSAK 2:41

Awui tui khuikasanga mi saikorali ra̱hikmi kala chithanghon mi thingkathum sha̱kha ngarumsanga.

OTSAK 22:16

Chiwui vang eina khi ngarainganaosāra? Ngakarthuida ra̱hikhaolu kala awuili zangda nawui morei pheohaolu.’

ROMNAO 3:6

Maningphutmana! Vare khangaronga maningsi kaje ana kathada okathuili bichar sapairakhala?

ROMNAO 4:24

Kha ithumwui Proho Jishuli kathiwui eina ringshok khangasaka Vareli shitkasang ithumlila khamashungabingna da shānkhuimira.

2 THESSALONICANAO 1:8

Vareli makhuikasangbing kala ithumwui Proho Jishu Khristawui paokaphāli makhanganābingli tandi mira.

2 THESSALONICANAO 2:12

Chiwui athei chiya khamashungli mashitkasang kha morei kasāli ringkaphā athum chili yonngasakra.

1 PETER 1:21

Awui mangā eina nathumna Vareli shitsanga. Ali Varena kathiwui eina khangmathotta tekhamatei chi mi; chieina nathumwui shitkasang kala kachihān chi Vareli lei.

1 PETER 3:21

Hi arui nathumli huikakhui ra̱kahikwui amahāna. Hi pha̱sāwui khamakhao pheokatā maningmana, kha ana Vareli mayāda ning horsangchaolaga awui kahāng nganāra da ra̱kahikwui otsak kasāna. Jishu Khristawui ringkashok china nathumli huimi.

PHONGKHAMI 20:15

kala kachikathāwui aming kharingawui lairikli mazangthura̱-akha chikathā mili meiwui ngayi hili horsanghaowa.

PHONGKHAMI 21:8

Kha malungmakazanga, mashitkasanga, khamakhaoa, mi shaokathata, ngalā khangashāma, meoworkathema, meoma̱li khokharuma, kala kapikkazarra, athumwui apam chiya meiri eina chuida khalei meiwui ngayi china, chi thikakhane china.”