MARK 16:15 - Kathara Bible (BSI)

¹⁵ Ana hānga, “Okathui apam katongali vālu kala miyur saikorali paokaphā hi hāshoklu.

MARK 16:15 Iomraidhean Croise

LAA 22:27

Okathui akatang saikorana Proholi phaningungda ngareiungra; kala yur kachiva̱wui shimkhurna awui mangāli khorumra.

LAA 96:3

Awui tekhamatei miyur saikorawui alungli hāngmilu, awui matakhak kahai otsak mi saikorali phongmilu.

LAA 98:3

Israel shimkhurli awui makhangachei leikashi, kala ningkatong phaningungmihaira. Ithumwui Varena khayui okathui akatang saikorana theihaira.

ISAIAH 45:22

“Ili ngareiungda huikhuilu, okathui akatang saikora! Kaja I Varena, katei maleiluimana.

ISAIAH 49:6

ana hānga: “Jacobwui shangbing nganaokhui khavai, Israelwui phāri kahaili khāngmathot khavai, nana iwui rao sāki kaji hi ngavenglak kahai otna; ina nali kahor akha sākhavai yurbingli mira, chieina iwui huikhami okathui akatang eina tangda vāshungra.”

ISAIAH 52:10

Prohona awui tharkhamatheng pāngthei, miyur saikorawui miktāli chitheimihaira; kala okathuiwui akatang saikorana ithum Varewui huikhami chi theira.

MATTHEW 28:19

Chiwui vang eina nathumna vāda miyur saikorali iwui sākhangatha̱ sāngasaklu; athumli Avā kala Anaomayara kala Manglā Katharawui ming singda ra̱hikmilu,

MARK 13:10

Yur saikorali paokaphā hi rida hāshokphalungra.

JOHN 15:16

Nathumna ili kapangkakhui maningmana, kha vāda athei mathei khavai kala athei chi mashimān khavai ina nathumli kapangkakhuina kala kachipamna; chieina nathumna iming singda kapo saikora Avāna mira.

JOHN 20:21

Chieina Jishuna hāngluishita, “Nathumli chingrihairanu. Avāna ili kashirāt thada ina nathumli kashivātna.”

OTSAK 1:2

ali kazingramli makhuikāranglakha awui paokazata sāda kapangkhui kahai mibingli Manglā Katharawui pangshap eina hāngmathinkhami chi ina kapihaira.

OTSAK 1:8

Kha Manglā Kathara chi nathumwuitungli tāshungkhami tharan, nathumna pangshap samphanglākra. Cheina nathumna Jerusalemlila, Judea ngalei katongalila, Samarialila kala okathuiwui akatanga vāshungda iwui vang shākhi sāra.”

ROMNAO 10:18

Kha ina ngahāna: Athum pao chi mashāranglā? Shāchaohaira kaja hithada kapihaida lei: “Athumwui akhon chi okathui katongali vāhaira; athumwui tui chi okathui katongali vāshunghaira.”

ROMNAO 16:26

Kha marānbingna kapi kahai chiwui eina khamashung chi theingasakhaira, chiwui vang eina yur saikorana ali shitsang khavai kala kahāng nganā khavaina.

EPHESIANAO 2:17

Chithada sāda Varewui eina tāda leikasā Gentile nathumlila, Vareli nganaida leikasā Jihudibinglila, chingri kahai paokaphā chi saikorali Khristana rāhāshoka.

COLOSSIANAO 1:23

Paul ina paokaphā chiwui otram khangatha̱ sāda kazingramwui azingli khalei manglākapai yur kachiva̱li tamchithei kahai nathumna shākahai paokaphāli kachihān chi mangacheila nganingtitta shitsangchinglu.

COLOSSIANAO 1:6

Nathumna Varewui lukhamashan pao shāthanghon kala chi mashunga da theikhuithanghon eina thuida paokaphā hina sokhami khuirāmichingda lei kala okathui apam saikoralila ngayaovāda lei.

1 JOHN 4:14

Chiwui vang eina okathuiwui Huikhame sākhavai Varena Anaomayara mihaira kaji hi ithumna mik eina theida mi kachiva̱li kahāngna.

PHONGKHAMI 14:6

Chiwui thili kazingram alungthungli kazingrao akha yongkazat ina thei, ana katang makhavai paokhamathā khuiphungda okathuili khalei yur, jat kala tuiyur kachiva̱li hāshokazatna.