MARK 15:5 - Kathara Bible (BSI)

⁵ Kha Jishuna chili lāngda mangahānkāmana, kala Pilate matakhakhaowa.

MARK 15:5 Iomraidhean Croise

LAA 71:7

I athum kachungkhawui mangāli sākachithei kathā thāhaowa, kha na iwui kapanga ngayin khavaina.

ISAIAH 53:7

Ali rekharekta chotngasaka, kha ana khikhakkha mashokmana; shaothat khavaipamli thānkhava yaonao thāda kala yaohah kachichāpwui mangāli akhak makashoka yao thāda, ana akhamor mamakālakmana.

ISAIAH 8:18

Yanglu, ila kala Prohona mikahaiya naongarābing hila, Zion kaphungli pamda khalei saikorawui Prohowui eina khami hi Israelli kachithei kala khamachutbingna.

ZECHARIAH 3:8

Ara nganālu, O pāngmon kharei Joshua, nala kala nali ngasokapama nawui ngasotnaobingla, kaja athum khamathā machutkakhuiwui misera: yanglu, iwui rao Aphāng chi ina khuirāra.

MATTHEW 27:12

Kha pāngmon akhokabing eina ararnaobingna ali kaphen chili ana khikha mangahānkāmana.

MATTHEW 27:14

Kha Jishuna khikhala mangahānkālakmana, chieina governor chi matakhakhaowa.

MARK 15:4

Chieina Pilatena ali ngahānlui, “Na ngahānkā khavai maleithula? Yanglu, athumna nawuitungli kaphen kayākha khuirāda leikhala!”

LUKE 23:9

Chieina ana Jishuli khangahān kachungkha sai, kha ana khikha mangahānkāmana.

JOHN 19:9

Ana kārotli zangluishitta Jishuli hānga, “Na kachiwui eina kharākhala?” Kha Jishuna mangahānkāthuwa.

1 CORINTHNAO 4:9

Kaja iwui theikakhuili, paokazata ithumliva kathi tandi mikahai mi thada yarui mangāli shaothata, apuk-apakva̱wui kazingraobing kala mibingna ngahorda yangnganao khavai Varena teolak kahaipamli kahai thai.