MARK 15:43 - Kathara Bible (BSI)

⁴³ Arimatheawui Joseph kaho khayākaka hanga̱wui minganin kala Varewui wungram kapha mi china malung pinglak eina Pilateli vāda Jishuwui phasā chi apoi.

MARK 15:43 Iomraidhean Croise

MATTHEW 19:30

Kha arui khare kasābing kachunga naothuihaora kala khanaobingna rihaora.

MATTHEW 20:16

Chieina khanaowa china rira kala khare china naora.”

MATTHEW 27:57

Zingyinlamshong Arimatheawui eina kharā Joseph kaho kashānga mi akha rai kala ala Jishuwui sākhangatha̱ akha sāsai.

MARK 14:54

Peterna athi shurvāda pāngmon khareiwui kayāngli lachāham eina shantribingli ngasoda meili tikpama.

MARK 15:44

Pilatena Jishu thikachanghairala da matakhakhaowa; kala ana shipai shākhawui akhavali hokhuida Jishu thichaohairala da ngahāna.

LUKE 2:25

Chitharan Simeon kaho mayarnao akha Jerusalemli leisai, a khamashung-khangarong, shitkasang khangazipa Israelli makarkhami honkapama kala Manglā Katharana ngasokhame mina.

LUKE 2:38

Ana atam chichangli khorumshimli kāda Vareli ningkashi mi kala Jerusalemli ngatangkhami honda khalei saikorali nao chiwui pongli hāngchithei.

LUKE 23:50

Chitharan Judeawui keinung Arimatheawui eina kharā Joseph kaho mayarnao akha leisai. A hi hangva̱ akhavāna kala kaphā khamashunga mina.

LUKE 23:51

Athumwui otsak chili a mazangmana kha Vare wungram kharā ngaraikapama mina.

JOHN 19:38

Hiwui thili Arimatheawui Joseph, Jihudibingli ngacheehaida ngathumda Jishuwui sākhangatha̱ sākasapā china Jishuwui aphasā makhuipairakhala da Pilateli apoi. Pilatena awui phasā khuipaira da mayāmihaoda Josephna vālaga aphasā chi akhui.

OTSAK 13:50

Kha keinungwui kathānabing eina khangatara khamaho sha̱naobingli Jihudinaobingna thara̱sanglaga Paul eina Barnabasli rekhareka kala aramwui eina kashamhaowa.

OTSAK 17:12

Jihudi kachungkhala shitsanga kala Greekwui kāshunglak kahaiya sha̱nao kala mayarnao kachungkhala shitsanghaowa.

PHILIPPINAO 1:14

Ina phātopli kazangwui vang avānao kachungkhali Proholi kachihān mataisang ngasaka. Chieina athumna khangachee maleila paokaphā hashok khavai thangkachida malung pingkhangai pinga.