MARK 13:7 - Kathara Bible (BSI)

⁷ Kala nathumna katā khanaiwui raipao kashā tharan, malung matātunghaialu; hi shokphalungra, kha china khangachanga atam maningmana.

MARK 13:7 Iomraidhean Croise

2 SAMUEL 14:14

Ithum thiserra, ngalei kathengli tara̱ heitā kahai makhuilui kapai kathāna; kha raithā kahai nao chi ahokhui khavai apong kaphā mi chiwui manglā Varena makhuithuimara.

LAA 112:7

Makaphā chanpaoli ana mangacheemana; Proholi shitsangda awui ning ngazipa.

LAA 27:3

Rai ashangva̱ akhana mamayāmada ili rairum sālala, iningli mangacheemara; ili mamayāmada rai tālala, ining nganungkhunghaira.

CHĀNSAM 3:25

Kashuirak kahai khangachee, lah makaphaali shimān khangasak rālala mangacheealu;

ISAIAH 8:12

“Mibingna mithit khalentui khamatui da kaho chili mithit khalentui khamatui da maholu, kala athumna khangachee chili ning chipāda khangacheela mangacheelu.

JEREMIAH 51:46

Ngalei hili raipao kashā atamli nathumwui ning mashimān ngasakalu kala mangacheealu; kumkhawui alungli pao akha kashā tharan, kha-leilaga khangatei kumli kashā tharan, lamli khangashao kashok chitharan, khamunga akhana akhali ngahei khangarok chānpao kashā chitharan.

MATTHEW 18:7

Morei sākhavai kasuiwui vang okathuili kakhanang ngasaranu! Kaja kasui hi rāphalungra, kha kasui rākhangasaka mi chi kakhanang ngasaranu!

MATTHEW 2:3

Herod awungana tui chi shālaga ningkashaklakhaowa kala Jerusalemli khalei mibing saikoranala chithāhaowa.

MARK 13:6

Mi kachungkhana iwui ming singda rālaga ‘I ana’ da hāngra, kala athumna mi kachungkhali thannguira.

MARK 13:8

Kaja yur akhana yur akhawuitungli, wungram akhana wungram akhawuitungli rai sāra; apam kachungkhali neina̱ khanukra, chāmrei rāra, kha hi nao ra̱kaphokna.

JOHN 14:1

Jishuna hānga, “Wuk makhanangalu; Vareli shitsangmalu, kala ilila shitsanglu.

JOHN 14:27

“Ina nathumli chingri kahai haikhamina; I khalattawui chingri kahai nathumli khamina. Okathuina khami thada nathumli khami maningmana. Wukmakhananglakalu; khangacheela mangacheealu.

OTSAK 17:3

kala Khrista kachotkachāng phunglaga kathiwui eina ringshokphalungra kaji hi shākhi khami eina ngasoda tui chi meikhaichitheida Paulna hānga, “Ina hāngchitheida khalei Jishu hi Khristalaka.”